«كاسىپكەر-انا» ءبىلىم بەرۋ باعدارلاماسىنىڭ قاناتقاقتى ماۋسىمىنىڭ قورىتىندىسىندا «الاقاي» جوباسىنىڭ جەتەكشىسى, الماتىلىق اينۇر دجەرەمباەۆانىڭ 500 مىڭ تەڭگەنىڭ گرانتىن ۇتىپ الدى.
ءبىرىنشى ماۋسىمعا قاتىسۋ ءۇشىن ەلىمىزدىڭ بارلىق وڭىرىنەن مۇمكىندىگى شەكتەۋلى بالالاردىڭ انالارى, كوپ بالالى انالار شاقىرىلعان. Amway قايىرىمدىلىق قورى, قحا كاسىپكەرلەر قاۋىمداستىعى, «اتامەكەن» ۇكپ جانە «قازاقستان كاسىپكەرلەرىنىڭ فورۋمى» قاۋىمداستىعى ۇيىمداستىرعان جوبا شارتىنا سايكەس كاسىپكەر انالار بيزنەس-يدەيالارىن وزدەرى قورعاپ شىعۋى قاجەت. «كاسىپكەر-انا» ايەلدەر كاسىپكەرلىگىن دامىتۋ جونىندەگى ءبىلىم بەرۋ باعدارلاماسى كامەلەتكە تولماعان بالالارى بار جانە دەكرەتتىك دەمالىستا وتىرعان انالارعا ارنالعان. ولارعا ءوز بيزنەسىن باستاۋ ارقىلى وتباسىنا قامقورلىق كورسەتۋ مەن كاسىبي تۇلعالىق دامۋدى قاتار الىپ ءجۇرۋدى مىندەت ەتكەن جوباعا 500-دەن استام ءوتىنىش تۇسكەن. ءوتىنىش بەرۋشىلەر تىگىن جانە تاماق ءوندىرىسى, ەرەسەكتەر مەن بالالارعا قوسىمشا ءبىلىم بەرۋ سالاسىنداعى جوبالاردى جۇزەگە اسىرۋدى ماقسات ەتەدى.
جوبا ءىرى قالالاردىڭ تۇرعىندارىنا عانا ەمەس, شالعاي ەلدى مەكەندەردە تۇراتىن انالارعا دا تەگىن وقۋدان وتۋگە مۇمكىندىك بەردى. ون ءتورت كۇن بويى قاتىسۋشىلار ءونىمدى قۇرۋ جانە ماركەتينگ نەگىزدەرىن, قارجىلىق جانە سالىقتىق ساۋاتتىلىق بارىسىن زەرتتەپ, جەكە بيزنەس-جوسپار جاساۋدى جانە ايماقتىڭ بيزنەس-ساراپشىلارىنان جوبالاردى تانىستىرۋ داعدىلارىن ۇيرەندى. ىرىمشىك جاساۋ, تريكوتاج كيىمدەرى مەن الەۋمەتتىك تاقىرىپتارعا پودكاستتاردى ءوندىرۋ, شاعىن كونديتەرلىك دۇكەندەر اشۋ, اعىلشىن تىلىنە وقىتۋعا ارنالعان سايت, شەتەلدىكتەردى ورىس تىلىنە ونلاين وقىتۋ جانە تاعى باسقا بولاشاعى بار بيزنەس-جوبالار اراسىنان ۇزدىكتەرىن انىقتاۋ قازىلار القاسى ءۇشىن قيىنعا سوقتى.
بيزنەس-جوبالار بايقاۋىندا ءبىرىنشى ورىندى مەكتەپ جاسىنا دەيىنگى جانە مۇمكىندىگى شەكتەۋلى بالالارعا ارنالعان فەتر مەن ماتادان جاسالعان ادىستەمەلىك قۇرالداردى وندىرەتىن «الاقاي» جوباسىنىڭ جەتەكشىسى اينۇر دجەرەمباەۆا يەلەندى. ول وسى يدەيانى جۇزەگە اسىرۋدى كوپتەن بەرى ويلاپ جۇرگەن. دەفەكتولوگ ماماننىڭ ايتۋىنشا, موتوريكانى دامىتۋعا جانە سويلەۋ داعدىلارىن قالىپتاستىرۋعا كومەكتەسەتىن ارنايى قۇرالداردىڭ ارتىقشىلىعى كوپ. الايدا دۇكەندەر مەن ينتەرنەت سايتتاردان ونداي قۇرالداردى تابۋ قيىن. ارنايى قۇرالدار تاپشى بولعاندىقتان, جوبا اۆتورى 1 جاستان اسقان بالالارعا كومەكتەسەتىن ءونىمدى ءوزى جاساپ شىعارۋدى ويلاستىرادى. الداعى ۋاقىتتا مۇنداي قۇرالدار «كاسىپكەر-انا» جوباسىنىڭ ناتيجەسىندە بالالارعا قولجەتىمدى بولماق.
الماتى