ۇستەل تەننيسىنەن قازاقستان قۇراماسىنىڭ سپورتشىسى اناستاسيا لاۆروۆا وليمپيادا ويىندارىنا جولداما جەڭىپ الدى, دەپ حابارلايدى Egemen.kz Olympic.kz سايتىنا سىلتەمە جاساپ.
بۇل كۇندەرى دوحادا ۇستەل تەننيسىنەن وليمپيادا ويىندارىنا ىرىكتەۋ ءتۋرنيرى ءوتىپ جاتىر. اتالعان باسەكەدە ەرلەر مەن ايەلدەر اراسىنداعى جارىس جەڭىمپازدارىنا وليمپياداعا جولداما ۇلەستىرىلەدى. ايەلدەر اراسىندا جەكەلەي سايىستىڭ فينالىندا وتانداسىمىز اناستاسيا لاۆروۆا باق سىنادى.
ول اقتىق كەزەڭدە وزبەكستاندىق مۋحابو ماگديەۆانى جەڭدى. ەكەۋارا كەزدەسۋ 4:2 ەسەبىمەن اياقتالىپ, ويىن لاۆروۆانىڭ ەنشىسىنە شەشىلدى.