اۋىل بالالارى «مىڭ بالا» ۇلتتىق وليمپياداسىنا قاتىسادى

قازىر وڭىردە 3000-نان اسا ادام تىركەلىپ ۇلگەردى. وليمپيادا جەڭىمپازدارى ەلىمىزدىڭ ۇزدىك مەكتەپتەرىندە ءبىلىم الۋعا, قاشىقتان اكادەميالىق قولداۋعا يە بولادى.

وليمپيادا تەگىن وتكىزىلەدى. مۇنداعى باستى ەرەجە – ۇمىتكەرلەر سوڭعى ەكى وقۋ جىلىندا اۋىل مەكتەپتەرىندە ءبىلىم الۋى ءتيىس. سونداي-اق, بيىل وليمپياداعا 2020 جىلى قاتىسقان اۋىل مەكتەپتەرىنىڭ 6-سىنىپ وقۋشىلارىنا دا قاتىسۋعا رۇقسات ەتىلەدى.

– وتكەن جىلى وليمپياداعا 5 جانە 6-سىنىپ وقۋشىلارىنان ءى كەزەڭ قورىتىندىسى بويىنشا 301 بالا ىرىكتەلىپ الىندى. ءىى كەزەڭ قورىتىندىسىمەن 5 سىنىپتان–38 بالا, 6 سىنىپتان–37 بالا, بارلىعى 75 وقۋشى جەڭىمپاز اتاندى. بۇگىنگى تاڭدا 23 وقۋشى دارىندى بالالارعا ارنالعان مامانداندىرىلعان مەكتەپتەردە وقۋىن ءساتتى جالعاستىرۋدا. بيىل ءبىز قاتىسۋشىلاردىڭ سانى ەلىمىز بويىنشا 15500-گە دەيىن وسەدى دەپ بولجاپ وتىرمىز. جالپى ءبىزدىڭ وڭىردە اۋىل وقۋشىلارىنىڭ وليمپياداعا قاتىسۋ ءۇشىن قاجەتتى جاعدايدىڭ ءبارى جاسالعان, دەدى وبلىستىق ءبىلىم باسقارماسى باسشىسىنىڭ ورىنباسارى باعدات بەرداۋلەتوۆ.

جوبا پورتالىنداعى تىركەۋ نىسانى ءبىلىم مينيسترلىگىنىڭ تالداۋ ورتالىعىمەن بىرلەسىپ جۇمىس ىستەيدى. ەگەر ءوتىنىشتى قالالىق جەردەن كەلگەن وقۋشى بەرسە, وعان اۆتوماتتى تۇردە باس تارتۋ تۋرالى سمس حابارلاما كەلەدى. جالپى, وليمپيادانى وتكىزۋ كەزىندە وقۋشىلاردىڭ تانىمدىق جانە اكادەميالىق داعدىلارى ونلاين جانە وفلاين رەجيمىندە كومپيۋتەرلىك تەستىلەۋ ارقىلى باعالانادى. تەست سۇراقتارىن مامانداندىرىلعان جۇمىس توبى حالىقارالىق ستاندارتقا سايكەس ازىرلەدى.

– وليمپياداعا قاتىسۋ ءۇشىن وقۋشى 24 اقپاننان - 24 ناۋرىزعا دەيىن ارنايى سايتقا تىركەلۋى ءتيىس. وليمپيادا 2 كەزەڭ بويىنشا وتەدى. ءبىرىنشى كەزەڭ لوگيكالىق جانە كەڭىستىكتىك ويلاۋ سەكىلدى ەكى بولىمنەن تۇرادى. تەستىلەۋ ەلباسى اكادەمياسىنىڭ پلاتفورماسىندا ونلاين فورماتتا وتكىزىلەدى, دەدى وبلىستىق «دارىن» عىلىمي-پراكتيكالىق ورتالىعىنىڭ ديرەكتورى گۇلجاحان ءىزباساروۆا.

وڭىرلەر بويىنشا ەڭ جوعارى قورىتىندى بالل جيناعان 5 مىڭ وقۋشى وليمپيادانىڭ ەكىنشى كەزەڭىنە وتەدى.