قازاقستاندا «جول اكتيۆتەرىن باسقارۋ جۇيەسىن» ەنگىزۋ جالعاسۋدا. جوبا جول سالاسىن تسيفرلاندىرۋ اياسىندا دۇنيەجۇزىلىك بانكتىڭ قولداۋىمەن ىسكە اسىرىلىپ جاتىر. ول بيىل اقپاراتتىق قاۋىپسىزدىك تالاپتارىنا سايكەس كەلۋ بويىنشا سىناقتان وتكەننەن كەيىن, ونەركاسىپتىك پايدالانۋعا بەرىلمەك, دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.
جول اكتيۆتەرىن باسقارۋ جۇيەسى – ءجىتى جۇرگىزىلگەن اسپاپتى زەرتتەۋدىڭ دەرەكتەرىنىڭ نەگىزىندە جوندەۋگە قاجەتتى ينۆەستيتسيا كولەمدەرىن بولجايتىن ارنايى جەتىلدىرىلگەن اقپاراتتىق جۇيە.
اتالعان جۇيەنى ەنگىزۋدىڭ ارقاسىندا اقاۋلاردى ەرتە كەزەڭدە جويىپ, كۇردەلى شىعىنداردى تومەندەتىپ, جولداردىڭ ومىرلىك تسيكلىنىڭ شىعىندارىن قىسقارتۋعا مۇمكىندىك تۋادى. سونداي-اق جول جەلىسىنىڭ جاعدايىن باعا بەرۋدىڭ ساندىق ينديكاتورلارىنان ساپالى كورسەتكىشتەرگە ءوتۋ ارقىلى «ناتيجەگە باعىتتالعان بيۋدجەت» كونتسەپتسياسىن ىسكە اسىرۋعا جاعداي جاسالادى.
بۇگىندە جابج اقپاراتتىق قاۋىپسىزدىك تالاپتارىنا سايكەس كەلۋ بويىنشا سىناقتان وتكىزىلۋدە. بۇدان سوڭ ونەركاسىپتىك پايدالانۋعا ەنگىزۋ جوسپارلانعان.
ايتا كەتۋ كەرەك, جابج ماڭىزدى كومپونەنتتەرىنىڭ ءبىرى – كوشپەلى زەرتحانالارمەن جول جاعدايىن اسپاپتىق زەرتتەۋ. بيىل اسپاپتى دياگنوستيكالاۋدى رەسپۋبليكالىق ماڭىزى بار جولدار جەلىسىنىڭ 19 مىڭ شاقىرىمىنا جۇرگىزۋ كوزدەلگەن. زەرتتەۋ قۇنى 1,5 ملرد تەڭگە. بولاشاقتا دياگنوستيكا بويىنشا جۇمىستارمەن ەلىمىزدىڭ جەرگىلىكتى ماڭىزى بار جولدارىن قامتۋ جوسپارلانىپ وتىر.