«سەرگەك» بەينەكامەرالارى وسكەمەندە قىلمىس پەن جول كولىك وقيعالارىن ەداۋىر تومەندەتتى. سوندىقتان دا, بۇل جوبا سەمەي قالاسىندا دا جۇزەگە اسىرىلماق. وعان شامامەن 4 ملرد تەڭگەدەن استام قارجى قاراستىرىلعان.
– «سەرگەك» بەينەباقىلاۋ جۇيەسى وسكەمەندە تيىمدىلىگىن كورسەتتى. ناقتى مىسال كەلتىرسەك, بىلتىر وبلىس ورتالىعىندا وسى جۇيەنىڭ كومەگىمەن 7 مىڭنان استام اكىمشىلىك قۇقىقبۇزۋشىلىق انىقتالىپ, 144 قىلمىستىق ءىس اشىلدى. قىلمىس جاساۋ قوعامدىق ورىنداردى 34 پايىزعا, قالا كوشەلەرىندە 35 پايىزعا, جول-كولىك وقيعالارى 36 پايىزعا تومەندەدى. مىنە, وسىنداي جاعىمدى كورسەتكىشتەر بار. سوندىقتان بۇل جوبانى بيىل سەمەيدە دە ىسكە اسىرامىز. سەمەيگە بارلىعى 1300 بەينەكامەرا ورناتىلادى, - دەدى وبلىس اكىمى دانيال احمەتوۆ ءوزىنىڭ ەسەپتىك كەزدەسۋىندە.