استاناداعى «دۋمان» ويىن-ساۋىق ورتالىعىندا ارميا گەنەرالى ساعادات نۇرماعامبەتوۆ اتىنداعى «جاس ۇلان» رەسپۋبليكالىق مەكتەبى تىڭداۋشىلارىن جاڭا جىلدىق قابىلداۋ بولىپ ءوتتى.
استاناداعى «دۋمان» ويىن-ساۋىق ورتالىعىندا ارميا گەنەرالى ساعادات نۇرماعامبەتوۆ اتىنداعى «جاس ۇلان» رەسپۋبليكالىق مەكتەبى تىڭداۋشىلارىن جاڭا جىلدىق قابىلداۋ بولىپ ءوتتى.
داستۇرگە ساي قورعانىس مينيسترلىگىنىڭ باسشىلىعى جاڭا جىل قارساڭىندا وسى مەكتەپتە وقيتىن وقۋ وزاتتارىمەن, جەتىم بالالارمەن جانە از قامتىلعان وتباسىلاردان شىققان تاربيەلەنۋشىلەرمەن كەزدەسەدى. بۇل جولى جاسۇلاندىقتارعا ەلوردا مەكتەپتەرىنىڭ وقۋشىلارى دا قوناققا كەلدى.
قورعانىس ۆەدومستۆوسىنىڭ وكىلدەرى بولاشاق وتان قورعاۋشىلار ءۇشىن مەرەكەلىك سازدى-تەاترلاندىرىلعان قويىلىمدار ۇيىمداستىردى, سىيلىقتار تابىس ەتتى.
«جاس ۇلان» رەسپۋبليكالىق مەكتەبىندە وقۋشىلار اسكەري باعىتتاعى ورتا ءبىلىم الىپ شىعادى. ولاردىڭ كوبى مەكتەپتى بىتىرگەن سوڭ رەسپۋبليكامىزدىڭ جانە شەتەلدەردىڭ اسكەري وقۋ ورىندارىنا اتتانباق.
«ەگەمەن-اقپارات».