ساپالى جولدار – ينفراقۇرىلىم باعىتىنداعى باستى ولشەم. بىلتىر قالادا 417 شاقىرىم جولعا قۇرىلىس جانە جوندەۋ جۇمىستارى ءجۇردى, دەپ حابارلايدى Egemen.kz
جالپى سانى 229 كوشە جوندەلىپ, 2019 جىلمەن سالىستىرعاندا ءۇش ەسە ارتىق. قالا اكىمى مۇرات ايتەنوۆ حالىق الدىندا بەرگەن جىلدىق ەسەبىندە وسىلاي دەدى.
قالا اكىمىنىڭ سوزىنشە, جاقسى جانە قاناعاتتانارلىق جولداردىڭ ۇلەسى 56 پايىزدان 60 پايىزعا جەتتى. 4 كوپىر قايتا جوندەلىپ, 4 كوپىر سالىندى. جاز مەزگىلىندە قولايسىزدىق تۋدىرعانىمەن شاھاردا بىرقاتار كوشەلەر جاڭارىپ قالدى.
– بيىل قوناەۆ داڭعىلىن جالعاستىرامىز. 18 شاقىرىمنان استام جول. ودان بولەك, 31 استام شاقىرىمدى قۇرايتىن ا-2 اينالما جولىنىڭ قايتا قۇرۋ جۇمىستارى جۇرگىزىلەدى. اتالعان جولداردىڭ قۇرىلىسىن 2024 جىلعا دەيىن پايدالانۋعا بەرۋ كوزدەلۋدە. ناتيجەسىندە, الماتى-تاشكەنت باعىتىنداعى تاس جولدى بايلانىستىرادى جانە قالانىڭ ترانزيتتىك الەۋەتى ارتادى, -دەدى م.ايتەنوۆ.
سونىمەن قاتار, وسى جىلى رىسقۇلوۆ – قوناەۆ كوشەلەرىنىڭ قيىلىسىنداعى جولايرىقتىڭ قۇرىلىسى اياقتالادى. بيىل بايدىبەك بي – ۇ.ارعىنبەكوۆ, كەلەسى جىلى ا.نازاربەكوۆ – ن.نازارباەۆ داڭعىلىنداعى جولايرىقتىڭ قۇرىلىسى باستالادى.
ايتا كەتسەك, 2021 جىلى 109 كوشە جوندەلىپ, جاقسى جانە قاناعاتتانارلىق جولداردىڭ ۇلەسى 63 پايىزدان اسادى.