ءانشى روزا جامانوۆا دۇنيەدەن وزدى

الماتىدا وپەرا ءانشىسى, كسرو حالىق ءارتىسى روزا جامانوۆا 86 جاسقا قاراعان شاعىندا دۇنيەدەن وزدى. بۇل تۋرالى «قازاقستان» تەلەارناسى حابارلادى.

ر. جامانوۆا 1954 جىلى الماتىداعى ونەر ينستيتۋتىن بىتىرگەن. 1953 جىلدان بەرى اباي اتىنداعى وپەرا جانە بالەت تەاترىنىڭ ءانشىسى بولدى. بىرنەشە مۋزىكالىق-ساحنالىق وبرازدى, اتاپ ايتقاندا, سارا («ءبىرجان-سارادا»), اجار («اباي»), تاتيانا («ەۆگەني ونەگين»), مارگاريتانى («فاۋست») سومداعان. شەتەلدەردە دە ونەر كورسەتتى.

1977 جىلى قۇرمانعازى اتىنداعى قازاق ۇلتتىق كونسەرۆاتورياسىندا ءدارىس بەرگەن. كسرو جوعارعى كەڭەسىنىڭ, قازاق كسر جوعارعى كەڭەسىنىڭ دەپۋتاتى بولعان.لەنين جانە «پاراسات» وردەندەرىنىڭ يەگەرى.

دەرەككوز: «قازاقستان» تەلەارناسى.

فوتو: «قازاقستان» تەلەارناسى