وتكەن جۇما كۇنى سارىسۋ اۋدانى, جاڭاتاس قالاسىندا پاتەردەن شىققان ءورت سالدارىنان ءبىر ۇيدەگى بەس بىردەي بالا كوز جۇمعان بولاتىن. مەملەكەت باسشىسى قاسىم-جومارت توقاەۆ قارا جامىلعان ابدىمالىكوۆتەر وتباسىنا كوڭىل ايتىپ, ءتيىستى كومەك كورسەتىلەتىنىن جەتكىزگەن ەدى.
پرەزيدەنت تاپسىرماسىنا سايكەس, جاڭاتاس قالاسىنداعى ءورت سالدارىنان مارقۇم بولعان بالالاردىڭ اتا-اناسىنا جامبىل وبلىسىنىڭ اكىمدىگى تاراپىنان جان-جاقتى ماتەريالدىق, پسيحولوگيالىق جانە دارىگەرلىك قولداۋ كورسەتىلدى. بالالاردى جەرلەۋ ءراسىمىن ۇيىمداستىرۋدى جەرگىلىكتى اتقارۋشى ورگاندار ءوز موينىنا الدى. سونىمەن قاتار, بالالاردىڭ اتا-اناسىنا دەمەۋشىلەر جاڭاتاس قالاسىنان 3 بولمەلى پاتەر الىپ بەردى.
ال سارىسۋ اۋدانىنىڭ كاسىپكەرلەرى باسپانانى قاجەتتى جيھاز بەن تەحنيكامەن قامتىعان.
قوعامدىق ۇيىمداردىڭ, دەمەۋشىلەردىڭ ۇيىمداستىرۋىمەن قارالى وتباسىنا 3 ميلليون تەڭگەدەن استام قارجى جينالىپ, ماتەريالدىق كومەك كورسەتىلدى. بۇدان بولەك, مەملەكەتتىك قىزمەتشىلەر ءبىر كۇندىك جالاقىسىن كومەك رەتىندە اۋداراتىن بولدى.
جامبىل وبلىسى