بۇگىنگى تاڭدا ءتيىستى كوممەرتسيالىق نىسانداردىڭ قۇرىلىسى سالاسىندا بيزنەس بەلسەندى دامىپ كەلەدى. وسى سالادا مەملەكەتتىك قىزمەت كورسەتۋ كەزىندە قۇقىق بۇزۋشىلىقتاردىڭ الدىن الۋ ماقساتىندا قر مەملەكەتتىك قىزمەت ىستەرى اگەنتتىگىنىڭ اقمولا وبلىسى بويىنشا دەپارتامەنتى سەمينار وتكىزدى, وعان اقمولا وبلىسى اكىمدىگىنىڭ, قۇرىلىس سالاسىنداعى ۋاكىلەتتى ورگاننىڭ وكىلدەرى, جەرگىلىكتى اتقارۋشى ورگانداردىڭ قۇرىلىمدىق بولىمشەلەرىنىڭ باسشىلارى قاتىستى.
سەمينار بارىسىندا وتىنىشتەردى تالداۋ قورىتىندىلارى تالقىلاندى, وعان سايكەس ساۋلەت جانە قالا قۇرىلىسى سالاسىندا مەملەكەتتىك قىزمەت كورسەتۋ ساپاسىنا شاعىمدار ۇلەسىنىڭ ارتقانى بايقالادى.
دەپارتامەنت باسشىسى ب.بەسپالينوۆتىڭ ايتۋىنشا, وتىنىشتەردىڭ جالپى سانىنىڭ تومەندەۋى بويىنشا وڭ ۇردىسكە قاراماستان, مەملەكەتتىك قىزمەت كورسەتۋ ساپاسىنا شاعىمدار كوبەيىپ كەلەدى, ءتىپتى بۇزۋشىلىقتار مولشەرى دە ارتۋدا. تەكسەرۋ قورىتىندىسى بويىنشا شاعىمداردىڭ نەگىزىندە 15 نەگىزسىز باس تارتۋ, سونداي-اق باس تارتۋ مەرزىمدەرىن بۇزۋدىڭ 1 فاكتىسى انىقتالدى. ايتا كەتۋ كەرەك, مەملەكەتتىك قىزمەت كورسەتۋدەن نەگىزسىز باس تارتۋ تەكسەرۋ پاراعىنا سايكەس ورەسكەل بۇزۋشىلىق بولىپ تابىلادى.
دەپارتامەنتتىڭ اقپاراتى بويىنشا, اكىمشىلىك قۇقىق بۇزۋشىلىق تۋرالى 14 ءىستىڭ 5 نەمەسە 36% - ى ءبولىم باسشىلارىنا قاتىستى جاسالعان. وسى سالاداعى ازاماتتاردىڭ شاعىمدارىنىڭ ارتۋى قىزمەت كورسەتۋشىلەر مەن مۇددەلى ورگاندار تاراپىنان ەگجەي-تەگجەيلى تالداۋ قاجەتتىلىگىن كورسەتەدى. وسىلايشا, قۇرىلىس سالاسىنداعى قۇرىلىس سالۋدى ۇيىمداستىرۋ جانە رۇقسات بەرۋ راسىمدەرىنەن ءوتۋ قاعيدالارىندا بۇرىن بولعان, بىراق كورسەتىلمەگەن نەگىزدەر بويىنشا كەيىننەن باس تارتۋدىڭ بولۋى مۇمكىن ەمەس ەكەندىگى كورسەتىلگەن. سوندا مۇنداي فاكتىلەر نە سەبەپتى قايتالانادى؟ كەيبىر جاعدايلاردا قىزمەت كورسەتۋشىلەر نورماتيۆتىك-تەحنيكالىق قۇجاتتارعا سىلتەمە جاسايدى, ال كەيبىر جاعدايلاردا ولاردىڭ بولۋىن ەلەمەيدى.
دەپارتامەنت مەملەكەتتىك قىزمەت كورسەتۋ ساپاسىن ارتتىرۋ بويىنشا ۇسىنىستار ەنگىزدى.
ەگەر ءسىز مەملەكەتتىك قىزمەتتەردى الۋ كەزىندە قۇقىقتارىڭىزدىڭ بۇزىلۋىنا تاپ بولساڭىز, دەپارتامەنتتىڭ 51-81-33 سەنىم تەلەفونى ارقىلى حابارلاسا الاسىز.