اتىراۋ قالاسىندا جايىق وزەنىنە قاتقان مۇز ۇستىندە ماس كۇيدە جۇرگەن 7 ادام ۇستالدى, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, ۋچاسكەلىك پوليتسيا ينسپەكتورلارى جايىق وزەنىندە بويىندا رەيد جۇرگىزگەن. ماقسات – جايىق وزەنىندەگى مۇز ۇستىنە شىعۋدىڭ قاۋپىن ءتۇسىندىرۋ.
«الكوگولدىك ىشىمدىك ءىشىپ, مۇز ۇستىندە جۇرەتىن ازاماتتار مەن بالىق اۋلاۋشىلاردىڭ قاۋىپسىزدىگى قاتتى الاڭداتادى. ويتكەنى, ىشىمدىك ىشكەن ادامدار ءوز قيمىلىن قاداعالاي الماي قالادى. ماس ادام مۇزدىڭ ويىلۋىنان سۋعا ءتۇسىپ كەتىپ, قازا بولۋى مۇمكىن. رەيد كەزىندە الكوگولدىك ىشىمدىك ءىشىپ, ماس كۇيدە جۇرگەن 7 ازامات ۇستالدى» دەيدى №1 اتىراۋ قالالىق پوليتسيا ءبولىمى جەرگىلىكتى پوليتسيا بولىمشەسىنىڭ باستىعى, پوليتسيا كاپيتانى نۇرلىبەك كەنجەعۇلوۆ.
ونىڭ ايتۋىنشا, ۇستالعاندارعا قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 440-بابىمەن (الكوگولدىك ىشىمدىكتەردى iشۋ نەمەسە قوعامدىق ورىندارعا ماساڭ كۇيدە كەلۋ) اكىمشىلىك حاتتامالار تولتىرىلىپ, ارقايسىسىنا 7392 تەڭگە كولەمىندە ايىپپۇل سالىندى.