تاراز قالاسىندا قاتتى جەل سوعىپ, ۇيلەردىڭ شاتىرى ۇشىپ كەتكەن. سونىڭ سالدارىنان جەڭىل اۆتوكولىكتەرگە ايتارلىقتاي شىعىن كەلدى, دەپ حابارلايدى Egemen.kz
بەينەجازبا قادرلارىنان قۇلاعان اعاشتاردى دا كورۋگە بولادى. قالالىق پوليتسيا دەپارتامەنتى ءمالىم ەتكەندەي, قالا تۇرعىندارىنان اۆتوكولىكتەرىن قاۋىپسىز ورىندارعا اۋىستىرۋدى سۇراعان. دەسە دە Instagram جەلىسىندە ءۇيدىڭ شاتىرى كولىكتەرگە قالاي قۇلاعانى تۋرالى ۆيدەولار تاراپ كەتتى.
«قاتتى جەلدەن №16 ءۇيدىڭ شاتىرى ۇشىپ, №14 ۇيگە قاراما-قارسى تۇرعان كولىكتەردىڭ ۇستىنە قۇلادى. اباي بولىڭىز», دەيدى قىز ۆيدەودا.
تاراز قالالىق پوليتسيا دەپارتامەنتى باسشىسىنىڭ ورىنباسارى جايدار قۇتتىباەۆ: «تاراز قالاسىنىڭ تۇرعىندارى مەن قوناقتارى قالادا قاتتى جەل سوعۋىنا بايلانىستى كولىكتەرىڭىزدى اعاشتار مەن قاۋىپتى ايماقتارعا قويماۋلارىڭىزدى سۇرايمىز. اباي بولىڭىزدار! جاياۋ جۇرگىنشىلەردەن ساق بولۋىن سۇرايمىز», دەپ قالا تۇرعىندارىنا ۇندەۋ جولدادى.