اتىراۋدا سوڭعى ون بەس جىلدا قالىڭ قار جاۋماعان ەدى. ال كەشە قالىڭ قار جاۋىپ, مۇنايلى شاھار كوشەلەرى اق ۇلپاعا وراندى, دەپ حابارلايدى Egemen.kz
اتىراۋ قالالىق اكىمدىگى ءباسپاسوز قىزمەتىنىڭ اقپاراتىنا قاراعاندا, كەشەدەن بەرى كوشەلەردى قاردان تازارتۋ جۇرگىزىلىپ جاتىر.
«كەشە, 17 قاڭتاردا قالادان 472 تەكشە مەتر قار شىعارىلدى. كوشەلەردى تازارتۋ ءتۇنى بويى جالعاستى. قاردى جيناپ, شىعارۋعا 49 تەحنيكا جۇمىلدىرىلدى. تەحنيكانى قالالىق كوممۋنالدىق مەكەمەلەرمەن بىرگە, وزگە دە كاسىپورىندار ۇسىندى. سونداي-اق, كوشەلەر مەن تروتۋارلاردى تازالاۋعا 90 ادام تارتىلدى. قازىر ازاتتىق, اۋەزوۆ, ساتپاەۆ, اباي, قۇرمانعازى, ۆلاديميرسكي كوشەلەرىندە قار جيناۋ جالعاسىپ جاتىر. قالا ماڭىنداعى المالى, اتىراۋ, دامبا جانە تاسقالا كەنتتەرىنە جولداردى قاردان تازالاۋعا ارنالعان تەحنيكالار جىبەرىلدى», دەپ حابارلادى قالالىق اكىمدىكتىڭ ءباسپاسوز قىزمەتى.