اقمولا وبلىسى بويىنشا سىبايلاس جەمقورلىققا قارسى ءىس-قيمىل دەپارتامەنتى «اقمولا-ادالدىق الاڭى» جوبالىق كەڭسەسىمەن, سونداي-اق ۋاكىلەتتى مەملەكەتتىك ورگاندارمەن جانە قوعام وكىلدەرىمەن بىرلەسىپ, وتكەن جىلدىڭ شىلدە ايىنان باستاپ سوvid-19-عا قارسى كۇرەسۋ ءۇشىن ءتۇرلى ەلدەردەن كەلىپ تۇسەتىن گۋمانيتارلىق كومەكتىڭ بولىنۋىنە تۇراقتى تۇردە باقىلاۋ جۇرگىزەدى.
گۋمانيتارلىق كومەكتى «سق-فارماتسيا» جشس قابىلدايدى, سودان كەيىن دەنساۋلىق ساقتاۋ مينيسترلىگىمەن كەلىسىم بويىنشا ءبولۋ قاعازى قالىپتاستىرىلادى جانە رەسپۋبليكا وڭىرلەرى بويىنشا جۇك تاسىمالداۋ جۇزەگە اسىرىلادى. اقمولا وبلىسىندا وبلىستىق دەنساۋلىق ساقتاۋ باسقارماسى گۋمانيتارلىق كومەكتى ءبولۋدى ايقىندايدى.
بۇگىنگى تاڭدا كاتار, قىتاي, رەسەي, تۇركيا, وزبەكستان, يزرايل, گرۋزيا, سەربيا, گەرمانيا, اقش, ءباا, پولشا, شۆەتسيا, پورتۋگاليادان كەلگەن 25-تەن استام ۇيىم, سونداي-اق قايىرىمدىلىق قورلارى, جەكە كومپانيالار جانە دۇنيەجۇزىلىك دەنساۋلىق ساقتاۋ ۇيىمى وڭىرگە گۋمانيتارلىق قولداۋ كورسەتتى.
كەلىپ تۇسكەن 700 مىڭنان استام جەكە قورعانۋ قۇرالدارى, دارىلىك زاتتار مەن مەديتسينالىق بۇيىمدار جۇمىس توبىنىڭ باقىلاۋىمەن وبلىستىڭ مەديتسينالىق مەكەمەلەرىنە تاراتىلدى.
تاۋاردى ماقساتسىز پايدالانۋ مۇمكىندىگىن بولدىرماۋ ءۇشىن ءدارى-دارمەكتەر مەن بۇيىمداردىڭ ءاربىر قاپتاماسىنا «گۋمانيتارلىق كومەك. تەگىن. ساتۋعا بولمايدى» ارنايى ءمورى قويىلادى.
سونىمەن قاتار, قۇرامىندا سىبايلاس جەمقورلىققا قارسى قىزمەت قىزمەتكەرلەرى, مۇددەلى مەملەكەتتىك ورگاندار مەن بەلسەندى قوعام بەلسەندىلەرى بار مونيتورينگتىك توپ دارىلىك زاتتار باعاسىنىڭ نەگىزسىز كوتەرىلۋىنە جول بەرمەۋ ماقساتىندا ءوڭىردىڭ ءدارىحانالارىنا, مەديتسينالىق مەكەمەلەرى مەن قويمالارىنا مونيتورينگ جۇرگىزەدى.ءدارى-دارمەكتىڭ باعاسىن كوتەرۋدىڭ 32 فاكتىسى انىقتالىپ, 14 اكىمشىلىك حاتتاما تولتىرىلدى.
ەستەرىڭىزگە سالا كەتەيىك, قانداي دا ءبىر سىبايلاس جەمقورلىق كورىنىستەرىنە, ونىڭ ىشىندە دەنساۋلىق ساقتاۋ سالاسىنا تاپ بولعان جاعدايدا ازاماتتار بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ 1424 بىرىڭعاي تەگىن Call-ورتالىعىنا حابارلاي الادى.