تۋريستەر ءۇشىن تارتىمدى قالا

باسقارما باسشىسىنىڭ ايتۋىنشا, قالاداعى ەپيدەميالىق جاعداي جاقسارىپ, كارانتيندىك رەجىم الىن­عان سوڭ, قالاعا كەلەتىن تۋريستەر سا­نىن 2021 جىلى 315 381-گە جەت­كىزۋ جوس­­­­پارلانۋدا. 2020 جىلدىڭ قاڭ­تار-قىركۇيەك ارالىعىنداعى ستاتيس­تيكالىق كورسەتكىش بويىنشا, رەس­پۋب­ليكانىڭ وزگە وڭىرلەرىمەن سالىس­تىرعاندا شىمكەنت قالاسىنا تۋريستەر كوبىرەك كەلگەن.

ماسەلەن, رەسپۋبليكا دەڭگەيىن­دە­گى العاشقى وندىققا كىرگەن كەلۋشى تۋ­ريس­تەردىڭ سانى بويىنشا نۇر-سۇل­تان قالاسى – 57,3%-عا, الماتى قا­لا­سى – 48,1%-عا, الماتى وبلىسى – 43,8%-عا, شىعىس قازاقستان وبلىسى – 45,1%-عا, اقمولا وبلىسى – 44,3%-عا, قاراعاندى وبلىسى – 40%-عا, ماڭعىستاۋ وبلىسى – 39,7%-عا, قوستاناي وبلىسى – 42,8%-عا, تۇركىستان وبلىسى – 47,7%-عا, شىمكەنت قالاسى 33,8%-عا تومەندەگەن.

تۋريستىك ينفراقۇرىلىمدى دامىتۋ بويىنشا بيىل شىمكەنتتە بىر­قاتار جۇمىس اتقارىلماق. اتاپ ايت­قان­دا «كونە شاھار» اۋماعىن دامىتۋ بو­­يىنشا جۇمىس توبىن قۇرۋ, ەگجەي-تەگ­جەيلى جوبا دايىنداۋ, سايرام تۇر­­عىن الابىنداعى تاريحي-كيەلى نىساندار­­دى تولىق اباتتاندىرۋ, سايرام تۇرعىن الابىن قازاقستانداعى «توپ-50» تۋريستىك كارتاسىنا ەنگىزۋ, «اباي» ساياباعى اۋماعىندا «U: داچا» جوباسىن ىسكە اسىرۋ, تۋريستىك اۋماق­تار­عا باعىتتايتىن جاڭا نىسان پاسپورت­تا­رىن جانە جولسىلتەگىشتەرىن ورنا­تۋ, جول بويىنداعى سەرۆيستى جاق­سار­تۋ جانە ينفراقۇرىلىمدى دامىتۋ, سا­ني­تارلىق-گيگيەنالىق ورىن­دار­دىڭ جاع­دايى مەن ساپاسىن ارتتىرۋ جۇمىس­تارى جۇرگىزىلەدى.

سونىمەن قاتار 2021 جىلى قىز­مەت كورسەتۋ ساپاسىن ارتتىرۋ, تۋريستىك سالا وكىلدەرىنە سەمينار-ترەنينگ وت­كىزۋ, تۋريستىك وپەراتورلار, بلوگەرلەر جانە باق وكىلدەرىنە ارنالعان تۋرلار, ماركەتينگتىك ءىس-شارالار ۇيىمداس­تىرۋ جوسپارلانۋدا. باسقارما باسشىسى 2021 جىلى SHYMKENT TOURISM CENTER تۋريستىك اقپاراتتىق ور­تا­لىق قىزمەتىن ودان ءارى جانداندىرۋ با­عىتىندا تۋريستىك حاب اشۋ, جاڭا تۋ­ريستىك باعىتتاعى مەرەكەلىك ءىس-شارا­لار بويىنشا جانە الداعى ۋاقىتتا قول­عا الىناتىن جوبالارىن جەتكىزدى.