بۇگىن تۇرعىندار الدىندا ەسەپ بەرگەن وبلىس اكىمى ماحامبەت دوسمۇحامبەتوۆتىڭ مالىمەتىنشە, بىلتىر اتىراۋ قالاسى مەن اۋدانداردا 10 مەديتسينالىق نىسان اشىلدى, دەپ حابارلايدى Egemen.kz.
«ماسەلەن, قۇرمانعازى اۋدانىندا 75 ورىندىق ورتالىق اۋرۋحانا سالىندى. وبلىستىق كارديولوگيالىق ورتالىق ءۇشىن 50 ورىندىق جاپسارلاس عيمارات تۇرعىزىلدى. اتىراۋ قالاسىندا مودۋلدىك ينفەكتسيالىق اۋرۋحانا پايدالانۋعا بەرىلدى. بىرقاتار اۋىلدىق ەلدى مەكەندە دارىگەرلىك امبۋلاتوريالار ىسكە قوسىلدى. اۋىلدىق ەلدى مەكەندەردىڭ تۇرعىندارىن قامتۋ ءۇشىن 5 جىلجىمالى مەديتسينالىق كەشەن جۇمىسىن باستادى. بىلتىر جەدەل مەديتسينالىق جاردەم قىزمەتىنە 46, بيىلعى جىلدىڭ باسىندا 20 جاڭا اۆتوكولىك بەرىلدى. وسىلايشا ءوڭىردىڭ اتالعان قىزمەتى قاجەتتى كولىكپەن 100 پايىز قامتىلدى» دەدى ماحامبەت دوسمۇحامبەتوۆ.
اكىمنىڭ ايتۋىنا قاراعاندا, ايماقتا 10 دەنساۋلىق ساقتاۋ نىسانىنا كۇردەلى جوندەۋ جاسالدى. قازىر جىلىوي اۋدانىنىڭ ورتالىعى – قۇلسارى قالاسىندا 75 ورىندىق اۋرۋحانانىڭ قۇرىلىسى جالعاسىپ جاتىر.