ادەتتەگى داستۇرگە سۇيەنە وتىرىپ, قازاقستاننىڭ شۆەيتسارياداعى ەلشىلىگى قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي مەرەيتويلىق پوشتا ماركالارىن شىعارۋ تۋرالى باستاماشىلىق جاسادى.
پوشتالىق ماركالار ەلشىلىكتىڭ كۇندەلىكتى حات-حابارلارىندا, سونداي-اق كادەسىي رەتىندە پايدالانىلادى.
شۆەيتساريادا قازىرگى زامانعى تسيفرلىق تەحنولوگيالار مەن ەلەكتروندى قىزمەتتەردىڭ جوعارى دامۋىنا قاراماستان, پوشتا-كوررەسپوندەنتسياسى قوعام ومىرىندە ماڭىزدى ورىن الادى.
كارانتين كەزەڭىندە پوشتا قىزمەتتەرى شۆەيتساريا تۇرعىندارىنىڭ ونلاين-ساتىپ الۋ سانىنىڭ ارتۋىنا بايلانىستى بىرنەشە ەسە ءوستى. سىيلىقتار, تاۋارلارعا تاپسىرىس, حاتتار سالىنعان كونۆەرتتەر – بۇگىنگى كۇنى «سارى الىپ Swiss Post» ارقىلى سالەمدەمەلەر مەن كونۆەرتتەردىڭ كوپتەگەن سانى ءوتىپ جاتىر.
«قازىرگى ۋاقىتتا ءبىز كۇن سايىن ميلليوننان استام سالەمدەمە وڭدەيمىز. بۇل Post تاريحىنداعى ءابسوليۋتتى رەكورد», – دەپ اتاپ ءوتتى Swiss Post ءباسپاسوز وكىلى جاكلين بيۋلمان.
جالپى العاندا, شۆەيتسارياداعى پوچتا جانە پوشتا ماركالارىنىڭ تاريحى ورتا عاسىرلاردان باستاۋ الادى جانە الەمنىڭ تۇكپىر-تۇكپىرىندەگى فيلاتەليستەردىڭ نازارى مەن قىزىعۋشىلىعىن تۋعىزادى.