«ەگەمەن قازاقستان» رەسپۋبليكالىق گازەتى» اق پرەزيدەنتى
س.ابدراحمانوۆقا
ەلىمىزدىڭ باس گازەتى – «ەگەمەن قازاقستان» وتاندىق ءبىلىم مەن عىلىم دامۋىنىڭ ناسيحاتتالۋىنا ۇلكەن ۇلەس قوسىپ كەلەدى. بىلىكتى مامان دايارلاۋ جۇمىسىنا, عىلىمي جاڭالىقتارعا, قازاقستاندىق ءبىلىم بەرۋ ءىسىنىڭ باسەكەگە قابىلەتتى بولۋىنا ارقاشان اقپاراتتىق قولداۋ كورسەتىپ, حالىقتى كۇندەلىكتى جاڭالىقپەن حاباردار ەتەتىن باسىلىم.
جازىلىم – 2014
«ەگەمەن قازاقستان» رەسپۋبليكالىق گازەتى» اق پرەزيدەنتى
س.ابدراحمانوۆقا
ەلىمىزدىڭ باس گازەتى – «ەگەمەن قازاقستان» وتاندىق ءبىلىم مەن عىلىم دامۋىنىڭ ناسيحاتتالۋىنا ۇلكەن ۇلەس قوسىپ كەلەدى. بىلىكتى مامان دايارلاۋ جۇمىسىنا, عىلىمي جاڭالىقتارعا, قازاقستاندىق ءبىلىم بەرۋ ءىسىنىڭ باسەكەگە قابىلەتتى بولۋىنا ارقاشان اقپاراتتىق قولداۋ كورسەتىپ, حالىقتى كۇندەلىكتى جاڭالىقپەن حاباردار ەتەتىن باسىلىم.
گازەتتىڭ ءاربىر جاڭا سانى ارقاشان قولىمىزدا. ءال-فارابي اتىنداعى قازۇۋ قىزمەتكەرلەرى, ستۋدەنتتەرى ەلىمىزدەگى قوعامدىق, ساياسي وزگەرىستەردى, جاڭالىقتاردى وسى گازەت ارقىلى وقىپ, بىلەدى. قازۇۋ ۇجىمى گازەت رەداكتسياسىمەن تىعىز قارىم-قاتىناس ورناتقان. عالىم, پروفەسسورلارىمىز گازەت ارقىلى ءوز ويلارىمەن, شىعارماشىلىقتارىمەن ءبولىسىپ, پىكىر الاڭىنا اينالعان «ەگەمەن قازاقستانمەن» ۇنەمى بايلانىستا. ۋنيۆەرسيتەتىمىز بيىل دا جىلداعىداي گازەتتىڭ 500 داناسىنا جازىلىپ وتىر.
«ەگەمەن قازاقستان» گازەتىنىڭ ۇجىمىنا شىعارماشىلىق تابىس, سارقىلماس شابىت, قىزىقتى دا كوكەيكەستى ماتەريالدار كوپ بولسىن دەپ تىلەيمىز.
عالىمقايىر مۇتانوۆ,
ءال-فارابي اتىنداعى
قازۇۋ رەكتورى.
* * *
بايزاق اۋدانىنىڭ تۇرعىندارى بۇگىنگە دەيىن 2000 داناعا جۋىق «ەگەمەن قازاقستان» گازەتىنە جازىلدى. ەلدىڭ اماندىعى مەن تىنىشتىعى, حالىقتىڭ باقىتى مەن بەرەكەسى جايلى ۇزبەي وي تولعايتىن اقىلمان گازەتىمىزدىڭ ۇجىمىنا كەلەسى جىلى دا مىقتى دەنساۋلىق, تابىستى شىعارماشىلىق تىلەيمىن.
مۇراتحان شۇكەەۆ,
بايزاق اۋدانىنىڭ اكىمى.
جامبىل وبلىسى.