اقش-تىڭ يۋتا شتاتىندا وتكەن فريستايل-اكروباتيكادان سولتۇستىك امەريكا كۋبوگىندا جەرلەستەرىمىز تاعى ءبىر التىن مەدال ولجالادى.
مۇحيتتىڭ ارعى بەتىندە ءوتىپ جاتقان حالىقارالىق تۋرنيردە قازاقستان كومانداسىنىڭ مۇشەسى شەرزود حاشيرباەۆ فينالدىق باسەكەدە ءساتتى ونەر كورسەتىپ, تۇعىردىڭ ەڭ بيىك ساتىسىنا كوتەرىلدى. جەرلەسىمىز التىن جۇلدە ءۇشىن وتكەن سايىستا 95,17 ۇپاي جينادى. كۇمىس مەدال كانادالىق ەميل نادونىڭ, قولا جۇلدە امەريكالىق ەريك كريۋگەردىڭ ەنشىسىنە بۇيىردى. قازاقستاندىقتار رومان يۆانوۆ التىنشى, يلدار باترۋتدينوۆ سەگىزىنشى ورىندا.
ايتا كەتەيىك, وسىدان بىرەر كۇن بۇرىن ءدال وسى تۋرنيردە تاعى ءبىر جەرلەسىمىز جانبوتا الدابەرگەنوۆا قارسىلاستارىن شاڭ قاپتىرىپ, التىننان القا تاققان ەدى.