12 اقپاندا 1928 جىلعى قالا تۇرعىنى تۇرمىستىق جاراقات الىپ, جەدەل جاردەم كولىگىمەن بەلگىلى ترانسپلانتولوگ ابىلاي دومباي باسقاراتىن №1 قالالىق كلينيكالىق اۋرۋحاناعا جەتكىزىلگەن, دەپ حابارلايدى Egemen.kz
دارىگەرلەر اجەيدى تەكسەرە كەلە, اياعىنداعى ۇرشىقتىڭ سىنعانىن انىقتاپ, شۇعىل تۇردە وتا جاساۋعا شەشىم قابىلداعان. ءبىر ساعات كولەمىندە جاسالعان وتا كەزىندە تراۆماتولوگتار اجەيدىڭ سىنعان ۇرشىق ورنىنا بلوكتاۋشى تەمىر قويىپ بەردى. قارت كىسىنىڭ جاسىن ەسكەرگەن مەديتسينا ماماندارى وپەراتسيانى پىشاقسىز, ياعني جابىق وتا جاسادى.
بىلىكتى ماماندار جاساعان وپەراتسيا ءساتتى ءوتىپ, 93 جاستاعى اجەي ەكىنشى تاۋلىكتە اياعىن باستى. قازىر قارت كىسىنىڭ جاعدايى جاقسى, اۋرۋحاناداعى دارىگەرلەردىڭ باقىلاۋىندا.
«اۋرۋحاناعا تۇسكەن اجەيدىڭ اياعىن رەنتگەن اپپاراتىنا تۇسىرگەندە ۇرشىعى سىنعانى انىقتالدى. كەيىن بىردەن وتا جاساپ, سىنعان ۇرشىقتى تەمىرمەن بەكىتىپ بەردىك. ازىرشە ءبىر اپتاداي ازاماتشا ءبىزدىڭ باقىلاۋىمىزدا بولادى», دەدى تراۆماتولوگ اسحات ابدۋماليكوۆ.