وڭتۇستىك قازاقستان وبلىسى شىمكەنت قالاسىنداعى وڭالتۋ ورتالىعى مەملەكەتتىك كاسىپورنىنىڭ ەكى قىزمەتكەرى تابيعي گازدان ۋلانىپ, كوز جۇمدى. بۇل تۋرالى Otyrar.kz حابارلادى.
قۇقىق قورعاۋ قىزمەتكەرلەرى وسى ەكى قىزمەتكەردىڭ ۋلانۋ سەبەبىن انىقتاۋ ۇستىندە. ازىرگە ناقتى قورىتىندى شىعارىلعان جوق. الايدا, بۇقارالىق اقپارات قۇرالدارى بەتىندە جازىلعانداي, سوڭعى كەزدەرى بۇل وڭىردە گازدان ۋلانعاندار قاتارى كوبەيىپ كەلەدى. وسى اي باسىندا قازىعۇرت اۋدانىنىڭ قاراباۋ اۋىلىنداعى ءبىر وتباسىنىڭ ءتورت بىردەي مۇشەسى كومىرقىشقىل گازىنا ۋلانىپ, قايتىس بولعان.
2011 جىلى وبلىستا ۋلى گازعا تۇنشىققانداردىڭ سانى 300-دەن اسقان: ال بىلتىر مۇنداي وقيعادان 434 ادام زارداپ شەكتى. ماماندار گازعا ۋلانعانداردىڭ باسىم بولىگى ءۇي وشاعىنا جوندەۋ جۇرگىزبەگەنىن ايتادى.
باقىتبەك كەنەش ۇلى.
دەرەككوز: Otyrar.kz
فوتو: يا نوۆوستي-كازاحستان.