سارىسۋ اۋدانىنداعى تاريحي-ولكەتانۋ مۋزەيىندەگى جادىگەرلەردىڭ اراسىندا وتە قىزىق ءبىر ەكسپونات تۇر. ونى كورگەن ادامنىڭ ەرىكسىز ەزۋ تارتۋى دا مۇمكىن. سودان سوڭ, ارينە:«بۇل كىمدىكى؟» دەپ سۇراۋى دا كادىك.
وسى ساۋالدى اۋداندىق تاريحي-ولكەتانۋ مۋزەيىنىڭ ديرەكتورى تيمۋر ساندىقباەۆقا ءبىز دە قويعانبىز. ول اڭگىمەنى ارىدەن باستاپ:
سارىسۋ اۋدانىنداعى تاريحي-ولكەتانۋ مۋزەيىندەگى جادىگەرلەردىڭ اراسىندا وتە قىزىق ءبىر ەكسپونات تۇر. ونى كورگەن ادامنىڭ ەرىكسىز ەزۋ تارتۋى دا مۇمكىن. سودان سوڭ, ارينە:«بۇل كىمدىكى؟» دەپ سۇراۋى دا كادىك.
وسى ساۋالدى اۋداندىق تاريحي-ولكەتانۋ مۋزەيىنىڭ ديرەكتورى تيمۋر ساندىقباەۆقا ءبىز دە قويعانبىز. ول اڭگىمەنى ارىدەن باستاپ:
– كەڭەس وداعىنىڭ كەزىندە توكەن ماقاشەۆ دەگەن اتامىز وسى مۋزەيدى اشۋ ءۇشىن رۇقساتتى سوناۋ ماسكەۋدەن الىپ كەلىپتى. سودان اۋىل-اۋىلدى ءوزى ارالاپ, تاريحي جادىگەرلەر جيناۋعا كوشكەن. اۋدانىمىزعا ءابدىماناپ كوپبەرگەنوۆ اعامىز اكىم بولىپ تۇرعان كەزدە ەل مەن جەرىنىڭ تاريحىن قۇنتتاپ قاعازعا ءتۇسىرىپ كەتكەن, ءوزى كوپ جىلدار سارىسۋ اۋداندىق گازەتىن باسقارعان جۋرناليست توكەن ماقاشەۆتىڭ اتىن وسى مۋزەيگە بەرگىزدى. مىنە, سول توكەن اتامىز جامبىل بىلعارى-اياق كيىم زاۋىتىنا جولى تۇسكەندە وسى ءتۋفليدى الا كەلىپتى. وكىنىشكە قاراي, كەزىندە 98,5 رازمەرلى بۇل اياق كيىمنىڭ «تاريحىن» ەشكىم جازىپ الماعان. مەنىڭ سۇراستىرىپ بىلگەنىم, مۇنى «سيۋرپريز» دەپ پە, «سۋۆەنير» دەپ پە, بىلعارى-اياق كيىم زاۋىتىنداعى ءبىر ءازىلكەش ادەيى جاساعان سياقتى. ونى سول كەزدەگى بىلعارى-اياق كيىم زاۋىتىنىڭ ديرەكتورىمەن سىيلاس توكەن اتامىز اتتاي قالاپ سۇراپ العان سياقتى, – دەگەن بولاتىن.
اۋداندىق مۋزەي, نەگىزىنەن, ولكە تاريحىنا تىكەلەي قاتىستى جادىگەرلەر جيىنتىعىنان تۇرادى. ولاردىڭ قاتارى جاڭا ەكسپوناتتارمەن جىلدان-جىلعا تولىعىپ كەلەدى. بىراق كەلۋشىلەردىڭ كوڭىلىن كوتەرىپ, ەزۋىنە كۇلكى ۇيىرەتىن ەرەكشە جادىگەر دە ارتىق ەتپەيتىن ءتارىزدى. ءبىر جاعىنان بۇل ەرەكشە ەكسپونات – الدىڭعى بۋىن اعالار ءومىر سۇرگەن كەڭەس وداعى جەڭىل ونەركاسىبىنىڭ «وركەندەگەن» داۋىرىنەن دە حابار بەرگەندەي مە, قالاي؟!.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى,
سارىسۋ اۋدانى,
ساۋداكەنت اۋىلى.