بۇگىننەن باستاپ اتىراۋداعى ساۋنالار مەن سپا ورتالىقتارىنىڭ تۇنگى ساعات 22:00-گە دەيىن جۇمىس ىستەۋىنە رۇقسات بەرىلدى. بۇل وبلىستىڭ باس سانيتار دارىگەرىنىڭ قاۋلىسىندا ايتىلعان.
«فيتنەس ورتالىقتار, سپورتتىق-ساۋىقتىرۋ وبەكتىلەرى, سپورت جانە جاتتىعۋ زالدارى الدىن الا جازىلۋ بويىنشا شتاتتىق رەجيمدە جۇمىس كەستەسىن بەلگىلەي وتىرىپ (1 كەلۋشىگە كەمىندە 5 شارشى مەتر ەسەبىنەن تولتىرىلۋى وبەكت سىيىمدىلىعىنىڭ 50%-ىنان اسپايدى), ساۋنالار, سپا ورتالىقتارى, باسسەيندەر الدىن الا جازىلۋ بويىنشا 07.00-دەن 22.00-گە دەيىن جۇمىس ىستەۋگە رۇقسات ەتىلەدى. جەكسەنبى كۇنى جۇمىس جاساۋىنا تىيىم سالىنادى» دەلىنگەن قاۋلىدا.
سونداي-اق قاۋلىعا سايكەس, سۇلۋلىق سالوندارى, شاشتارازدار, كوسمەتولوگيالىق قىزمەت كورسەتەتىن وبەكتىلەرىنە الدىن الا جازىلۋ بويىنشا (وبەكتىنىڭ تولتىرىلۋى 1 كەلۋشىگە كەمىندە 4 شارشى مەتر ەسەبىمەن) شتاتتىق رەجيمدە جۇمىس كەستەسىن بەلگىلەي وتىرىپ رۇقسات ەتىلدى.