ەل كونستيتۋتسياسىنىڭ نورمالارىن ورىنداۋ جانە قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا ارناعان جولداۋىندا جانە ەلباسىنىڭ «الەۋمەتتىك جاڭعىرتۋ: «جالپىعا ورتاق ەڭبەك قوعامىنا قاراي 20 قادام» ماقالاسىندا قويىلعان مىندەتتەر مەن تالاپتاردى جۇزەگە اسىرۋ تۇرعىسىندا مەملەكەت ساياساتىنىڭ باستى باسىمدىعى ادام كاپيتالىنىڭ دامۋى, حالىقتىڭ ءومىر ءسۇرۋ دەڭگەيى مەن ساپاسىنىڭ ءوسۋى بولىپ سانالادى. وسى ماقساتتا ىسكە اسىرىلاتىن الەۋمەتتىك باعدارلامالار – جۇمىسپەن قامتۋدى ساقتاۋعا, تابىس كولەمىن ارتتىرۋعا, حالىقتى الەۋمەتتىك قورعاۋعا باعىتتالعان.
نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا ارناعان جولداۋىندا جانە ەلباسىنىڭ «الەۋمەتتىك جاڭعىرتۋ: «جالپىعا ورتاق ەڭبەك قوعامىنا قاراي 20 قادام» ماقالاسىندا قويىلعان مىندەتتەر مەن تالاپتاردى جۇزەگە اسىرۋ تۇرعىسىندا مەملەكەت ساياساتىنىڭ باستى باسىمدىعى ادام كاپيتالىنىڭ دامۋى, حالىقتىڭ ءومىر ءسۇرۋ دەڭگەيى مەن ساپاسىنىڭ ءوسۋى بولىپ سانالادى. وسى ماقساتتا ىسكە اسىرىلاتىن الەۋمەتتىك باعدارلامالار – جۇمىسپەن قامتۋدى ساقتاۋعا, تابىس كولەمىن ارتتىرۋعا, حالىقتى الەۋمەتتىك قورعاۋعا باعىتتالعان.
«مىندەتتى الەۋمەتتىك ساقتاندىرۋ تۋرالى» قر زاڭىنا سايكەس زەينەتاقى تولەمدەرىن الۋشىلاردى قوسپاعاندا, قازاقستان رەسپۋبليكاسىنىڭ اۋماعىندا تۇراقتى تۇراتىن جانە ونىڭ اۋماعىندا تابىس اكەلەتىن قىزمەتتi جۇزەگە اسىراتىن شەتەلدiكتەر مەن ازاماتتىعى جوق ادامداردى قوسا العاندا, قىزمەتكەرلەر, ءوزiن-ءوزi جۇمىسپەن قامتىعان ادامدار مiندەتتi الەۋمەتتiك ساقتاندىرۋعا جاتادى.
الەۋمەتتiك اۋدارىمداردى تولەۋشi – مەملەكەتتىك الەۋمەتتىك ساقتاندىرۋ قورىنا (بۇدان ءارى – قور) الەۋمەتتiك اۋدارىمداردى ەسەپتەۋدi جانە تولەۋدi جۇزەگە اسىراتىن جۇمىس بەرۋشi نەمەسە ءوزiن-ءوزi جۇمىسپەن قامتىعان ادام.
زاڭدا قولدانۋعا بولاتىن – وزدەرiنە تابىس اكەلەتiن جۇمىسپەن وزدەرiن قامتاماسىز ەتەتiن جەكە كاسiپكەر, جەكە نوتاريۋس, جەكە سوت ورىنداۋشىسى, ادۆوكات ءوزiن-ءوزi جۇمىسپەن قامتىعان ادام بولىپ تابىلادى.
الەۋمەتتiك اۋدارىمداردى ەسەپتەۋ وبەكتiسi – جۇمىس بەرۋشiنiڭ قىزمەتكەرگە ورىندالعان جۇمىستار, كورسەتiلگەن قىزمەتتەر ءۇشiن تابىس تۇرiندە تولەيتiن شىعىستارى, ال ءوزiن-ءوزi جۇمىسپەن قامتىعان ادامنىڭ الەۋمەتتiك اۋدارىمدارىن ەسەپتەۋگە ارنالعان وبەكتىسى ونىڭ الاتىن تابىستارى بولىپ تابىلادى.
الەۋمەتتiك اۋدارىمداردىڭ مولشەرى الەۋمەتتiك اۋدارىمداردى ەسەپتەۋ وبەكتiسiنىڭ 5 %-ىن قۇرايدى.
ەگەر كۇنتىزبەلىك اي ءۇشىن الەۋمەتتiك اۋدارىمداردى ەسەپتەۋ وبەكتiسi رەسپۋبليكالىق بيۋدجەت تۋرالى زاڭمەن بەلگىلەنگەن جالاقىنىڭ تومەنگى مولشەرىنەن (بۇدان ءارى – جتم) كەم بولسا, وندا الەۋمەتتىك اۋدارىمداردىڭ مولشەرى 1 جتم انىقتالادى.
سونىمەن قاتار, الەۋمەتتىك اۋدارىمداردى ەسەپتەۋ ءۇشىن اي سايىنعى تابىس 10 جتم-دەن اسپايتىن مولشەردە قابىلدانادى.
«2014-2016 جىلدارعا ارنالعان رەسپۋبليكالىق بيۋدجەت تۋرالى» 2013 جىلعى 3 جەلتوقسانداعى №148-V قازاقستان رەسپۋبليكاسىنىڭ زاڭىنا سايكەس 2014 جىلعى 1 قاڭتاردان باستاپ جتم 19 966 تەڭگەنى قۇرايدى.
وسىعان بايلانىستى 2014 جىلدىڭ 1 قاڭتارىنان باستاپ الەۋمەتتىك اۋدارىمداردىڭ تومەنگى مولشەرى 998,3 تەڭگە (5 %*1 جتم = 5 %* 19 966 تەڭگە), ال جوعارعى مولشەرى – 9 983 تەڭگە (5 % * 10 جتم = 5 % * 199 660 تەڭگە).
ءوزىن-ءوزى جۇمىسپەن قامتىعان تۇلعالار ءۇشىن الەۋمەتتىك اۋدارىمداردىڭ تومەنگى مولشەرى 1 جتم تابىستان انىقتالادى, ال جوعارعى مولشەرى ەسەپتى كەزەڭ ءۇشىن الەۋمەتتىك سالىق ەسەپتەلگەن سومادان اسپاۋ قاجەت.
ۋاقىتىندا اۋدارىلماعان الەۋمەتتىك اۋدارىمدار سوماسىن سالىق ورگاندارى ءوندىرىپ الادى نەمەسە تولەۋشى ەسەپتەلگەن وسىماقىسىمەن قوسا اۋدارادى.
تولەۋشىلەردىڭ (جۇمىس بەرۋشىلەر جانە (نەمەسە) ءوزىن-ءوزى جۇمىسپەن قامتىعان تۇلعالار) جالدامالى قىزمەتكەرلەر ءۇشىن الەۋمەتتىك اۋدارىمداردى ۋاقىتىندا جانە تولىقتاي تولەۋى تومەندەگىدەي الەۋمەتتىك تاۋەكەلدەر تۋعان جاعدايدا قوردان تولەنەتىن ءتيىستى الەۋمەتتىك تولەمدەردى قامتاماسىز ەتەدى:
ەڭبەك ەتۋ قابىلەتىنەن ايىرىلعان, اسىراۋشىسىنان ايىرىلعان, جۇمىسىنان ايىرىلعان جانە ءبىر جاسقا تولعانعا دەيىنگى بالا كۇتىمى جاعدايىنا الەۋمەتتىك تولەم تاعايىنداعاندا الەۋمەتتىك اۋدارىمدار تولەنگەن سوڭعى 24 كۇنتىزبەلىك ايداعى قىزمەتكەردىڭ اي سايىنعى تابىسى ەسكەرىلەدى. جۇكتىلىگى, بوسانۋى جانە جاڭا تۋعان بالانى (بالالاردى) اسىراپ الۋى جاعدايىنا الەۋمەتتىك تولەمدەر تاعايىنداۋ ءۇشىن الەۋمەتتىك اۋدارىمدار تولەنگەن سوڭعى 12 كۇنتىزبەلىك ايداعى قىزمەتكەردىڭ اي سايىنعى تابىسى ەسكەرىلەدى.
وسىلايشا, مىندەتتى الەۋمەتتىك ساقتاندىرۋ جۇمىس ىستەيتىن حالىقتى الەۋمەتتىك قورعاۋدىڭ قوسىمشا ءتۇرى بولىپ تابىلادى.
قازاقستانداعى حالىقتى الەۋمەتتىك قورعاۋ جۇيەسى – الەۋمەتتىك ساقتاندىرۋ جۇيەسى مەن مەملەكەتتىك الەۋمەتتىك قامسىزداندىرۋدى بىرىكتىرەتىن, ءوزىن الەۋمەتتىك قورعاۋ ءۇشىن ازاماتتاردىڭ جەكە جاۋاپكەرشىلىگى مەن جۇمىس بەرۋشىلەردىڭ جانە مەملەكەتتىڭ ىنتىماقتى جاۋاپكەرشىلىگى قاعيداتتارىنا قۇرىلعان.
قور قىزمەتىنىڭ ستراتەگيالىق باعىتتارى مىندەتتى الەۋمەتتىك ساقتاندىرۋدىڭ تۇراقتىلىعىنا جەتۋدەگى مەملەكەتتىك ماقساتتار ءۇشىن ۇيلەستىرىلگەن شارالاردى جۇرگىزۋگە جانە الەۋمەتتىك ساقتاندىرۋدىڭ جالپىعا بەلگىلى الەمدىك بازالىق قاعيداتتارى مەن الەۋمەتتىك ادىلەتتىلىكتى ەسكەرە وتىرىپ, قولدانىلاتىن رەسۋرستاردىڭ تيىمدىلىگىن ارتتىرۋعا باعىتتالعان.
گۇلباعيلا بولاتبەكوۆا,
«مەملەكەتتىك الەۋمەتتىك ساقتاندىرۋ قورى» اق ستراتەگيالىق دامۋ جانە
ينۆەستيتسيالىق باسقارۋ دەپارتامەنتىنىڭ ديرەكتورى.