اقش-تىڭ دير-ۆەللي بوكتەرىندە فريستايل-اكروباتيكادان الەم كۋبوگى جالعاسۋدا. ايەلدەر اراسىنداعى باسەكەدە قازاقستاندىق جانبوتا الدابەرگەنوۆا بەسىنشى ورىنعا يە بولدى دەپ جازادى Egemen.kz Olympic.kz سايتىنا سىلتەمە جاساپ.
ىرىكتەۋدەن سۇرىنبەي وتكەن جانبوتا العاشقى فينالدىق اينالىمدا 83.79 ۇپايمەن ءۇشىنشى ورىننان كورىنىپ, اقتىق سىنعا جولداما العان التى سپورتشىنىڭ قاتارىنا ەندى.
الايدا, شەشۋشى فينالدا الدابەرگەنوۆا ازۋلى قارسىلاستارىنان وزا المادى. ول 71.92 ۇپايمەن بەسىنشى ورىنعا تابان تىرەدى.
بۇل باسەكەدە اۆستراليالىق دانيەل سكوتت توپ جاردى (93,86). ەكىنشى جانە ءۇشىنشى ورىنداردى تيىسىنشە امەريكالىقتار ۋينتەر ۆينەتسكي (87.77) مەن كايلا كۋن (74.82) ءوزارا ءبولىستى.