2021 جىلدىڭ قاڭتار ايىندا 12 مىڭنان استام تۇرعىننىڭ اكىمشىلىك زاڭنامانى بۇزعانى انىقتالدى, دەپ حابارلايدى Egemen.kz رavlodarnews.kz سايتىنا سىلتەمە جاساپ.
«جالپى العاندا, 104 ميلليون تەڭگە كولەمىندە ايىپپۇل سالىندى. قاڭتار ايىندا وبلىس سوتتارى 366 تۇرعىنعا قاتىستى اكىمشىلىك قاماۋعا الۋ تۇرىندە جازالاۋ شاراسىن قولداندى, 3365 ازاماتقا ەسكەرتۋ جاسالدى», - دەدى پاۆلودار وبلىسى پد باستىعىنىڭ ءبىرىنشى ورىنباسارى جاسقايرات قايىروۆ.
بۇگىنگى تاڭدا قۇقىقبۇزۋشىلىقتاردىڭ نەگىزگى سانى جول قوزعالىسى ەرەجەلەرىن بۇزۋ بولىپ وتىر - 7423 فاكت, ياعني 65 ميلليون تەڭگەدەن استام سوماعا ايىپپۇل سالىندى.
پوليتسيا قىزمەتكەرلەرى تۇرعىندارعا كەز كەلگەن قۇقىقبۇزۋشىلىققا توزبەۋگە جانە قىراعى بولۋعا شاقىرادى.
«كۇدىكتى تۇلعالارعا نازار اۋدارىڭىز, ەگەر ولاردىڭ ارەكەتتەرى الاڭداتسا, بىردەن «102» نومىرىنە قوڭىراۋ شالىڭىز. ءبىز بارلىق جەردە ءتارتىپتى دامىتۋىمىز كەرەك», - دەپ اتاپ ءوتتى پولكوۆنيك جاسقايرات قايىروۆ.