اتىراۋ گارنيزونىنىڭ اسكەريلەرى اراسىندا سىبايلاس جەمقورلىق دەرەگىن انىقتاۋ ءۇشىن جاسىرىن ساۋالناما جۇرگىزۋ جالعاسىن تاپقالى وتىر. بۇل تۋرالى گارنيزون باسشىلىعى مەن قر سىبايلاس جەمقورلىققا قارسى ءىس-قيمىل اگەنتتىگى اتىراۋ وبلىسى بويىنشا دەپارتامەنتىنىڭ بىرلەسكەن وتىرىسىندا بەلگىلى بولدى.
كەزدەسۋدە اسكەري بولىمدەگى سىبايلاس جەمقورلىق ىقتيمالدىعىن بارىنشا ازايتۋ ءۇشىن قابىلدانعان,جوسپارلانعان شارالار تۋرالى باياندالدى. اسكەردەگى سىبايلاس جەمقورلىقتىڭ الدىن-الۋعا ارنالعان بىرقاتار بەينەروليكتەر كورسەتىلدى.
قر سىبايلاس جەمقورلىققا قارسى ءىس-قيمىل اگەنتتىگى اتىراۋ وبلىسى بويىنشا دەپارتامەنتىنىڭ باستىعى قانات سۇلەيمەنوۆ كومانديرلەردى كۇندەلىكتى قىزمەتتە سىبايلاس جەمقورلىققا قارسى شارالاردى ودان ءارى جەتىلدىرۋگە, باقىلاۋدى كۇشەيتۋگە شاقىردى.
«سىبايلاس جەمقورلىق تاۋەكەلدەرىن تالدايتىن كوميسسيا قۇرامى قۇقىق بۇزۋشىلىقتى جاساۋعا ىقپال ەتەتىن اسكەري بولىمدەر مەن مەكەمەلەردىڭ كومانديرلەرىنە ۇسىنىسىن بەردى. سونداي-اق سىبايلاس جەمقورلىق دەرەگىن انىقتاۋ ماقساتىندا جەكە قۇرام اراسىندا تاماقتانۋدىڭ ساپاسى, اسكەري ءتارتىپتى بۇزۋ دەرەگى جونىندە جاسىرىن ساۋالناما جۇرگىزۋ تاجىريبەسىن جالعاستىرۋعا شەشىم قابىلداندى» دەدى «باتىس» وڭىرلىك قولباسشىلىعى تاربيە جانە يدەولوگيالىق جۇمىستار باسقارماسىنىڭ اعا وفيتسەرى, كاپيتان قانات جاپاروۆ.