ەلباسى ن.نازارباەۆ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا: «ءبىزدىڭ باستى ماقساتىمىز – الەۋمەتتىك قاۋىپسىزدىك جانە ازاماتتاردىڭ باقۋاتتىلىعى», دەپ اتاپ كورسەتتى. وسىعان بايلانىستى العا قويىلعان تاپسىرمالار ءبىزدىڭ باسقارما ۇجىمىنا ۇلكەن جاۋاپكەرشىلىك جۇكتەپ وتىر. بۇل باعىتتا اۋقىمدى جۇمىستار دا اتقارىلۋدا.
ەلباسى ن.نازارباەۆ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا: «ءبىزدىڭ باستى ماقساتىمىز – الەۋمەتتىك قاۋىپسىزدىك جانە ازاماتتاردىڭ باقۋاتتىلىعى», دەپ اتاپ كورسەتتى. وسىعان بايلانىستى العا قويىلعان تاپسىرمالار ءبىزدىڭ باسقارما ۇجىمىنا ۇلكەن جاۋاپكەرشىلىك جۇكتەپ وتىر. بۇل باعىتتا اۋقىمدى جۇمىستار دا اتقارىلۋدا.
ەنگىزىلگەن الەۋمەتتىك-ەكونوميكالىق وزگەرىستەر بارىسىندا ەلدە قارقىندى دامىعان ەڭبەك نارىعى قالىپتاستى. ماسەلەن, حالىقتىڭ ەكونوميكالىق بەلسەندى بولىگىنىڭ, جۇمىسپەن قامتىلعانداردىڭ جانە ءوز بەتىمەن كاسىپ تاپقانداردىڭ سانى ەسەلەپ ارتىپ, جۇمىسسىزدىق دەڭگەيى 2003 جىلعى 9,2-دەن 5,3 پايىزعا تومەندەدى.
قازىرگى تاڭدا ەڭبەك نارىعىنداعى جاعدايدى ەسكەرە وتىرىپ, حالىقتى جۇمىسپەن قامتۋدىڭ جاڭا تاسىلدەرى قاراستىرىلۋدا. مەملەكەت «جۇمىسپەن قامتۋ-2020» باعدارلاماسى شەڭبەرىندە جۇرتشىلىقتى قولداۋ اياسىن بارىنشا كەڭىتتى. اسىرەسە, جاستارعا قامقورلىق جاساۋ, جاپپاي بىلىكتىلىكتى كوتەرۋ مەن قايتا دايارلىقتان وتكىزۋ شارالارىنىڭ ارقاسىندا ورتا تاپ وكىلدەرى العى ساپتان كورىنە باستادى. ناقتى ايتساق, جوعارىداعى باعدارلاما جۇزەگە اسىرىلا باستاعالى 8 مىڭنان استام ادام قوعامدىق ءومىردىڭ بارلىق سالاسىندا جەمىستى جۇمىس ىستەپ ءجۇر. وسى ۋاقىت ارالىعىندا رەسپۋبليكالىق بيۋدجەتتەن 6,2 ميلليارد تەڭگە قارجى ءبولىندى. ال, 2013 جىلدىڭ 11 ايىندا عانا 3,4 ميلليارد تەڭگە يگەرىلىپ وتىر. سونداي-اق, اعىمداعى جىلى وبلىسىمىزعا «جۇمىسپەن قامتۋ جول كارتاسى-2020» باعدارلاماسىن ىسكە اسىرۋ بويىنشا اقپاراتتىق-ءتۇسىندىرۋ جۇمىستارىنا رەسپۋبليكالىق بيۋدجەتتەن 5838 مىڭ تەڭگە قارجى ءبولىنۋى ورتاق ىسكە سەرپىن بەردى. بۇل جەرگىلىكتى اتقارۋ ورگاندارىنىڭ قۇرىلىمدىق بولىمدەرىندە ءتيىستى سەمينارلار وتكىزۋىمىزگە مۇمكىندىك بەردى.
بۇل ماسەلەلەردى بولەكتەپ ايتىپ وتىرعان سەبەبىم, ەلباسى ن.نازارباەۆ «الەۋمەتتىك جاڭعىرتۋ: جالپىعا ورتاق ەڭبەك قوعامىنا قاراي 20 قادام» اتتى ەڭبەگىندە ەڭبەك قاتىناستارىنا زامانالىق كوزقاراستى قالىپتاستىرۋعا ايرىقشا نازار اۋداردى. سوندىقتان, ءبىز ەڭبەك ادامدارىنىڭ قۇقىقتىق ساۋاتتىلىعىن كوتەرۋ, جۇمىسپەن قامتىلىپ وتىرعان ءارتۇرلى توپتار وكىلدەرىن ناقتى ەكونوميكاعا قوسۋ, جۇمىس بەرۋشىلەرمەن اراداعى قارىم-قاتىناستى جەتىلدىرۋ, الەۋمەتتىك قورعاۋ, تاعى باسقا ماڭىزدى باعىتتاردا ىزدەنىس ارقاۋىن كۇشەيتەتىن بولامىز.
شولپان راحماتۋللينا,
اقمولا وبلىستىق جۇمىسپەن قامتۋ جانە الەۋمەتتىك
باعدارلامالاردى ۇيلەستىرۋ باسقارماسى
باسشىسىنىڭ مىندەتىن اتقارۋشى.
كوكشەتاۋ.