كەشە قاراعاندى وبلىسىنىڭ اباي اۋدانى اۋماعىنداعى «قاراعاندى-اباي» تاس جولىندا بولعان جول اپاتىنان بەس ادام قازا تاپتى, دەپ حابارلايدى Egemen.kz وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
BMW اۆتوكولىگىنىڭ جۇرگىزۋشىسى الدىن الا بولجام بويىنشا رۋلگە يە بولا الماي قالعان سەبەپتى جولدىڭ قارسى باعىتىنا شىعىپ كەتىپ, ىشىندە ءتورت جولاۋشىسى بار Chevrolet اۆتوكولىگىمەن سوقتىعىسقان.
سونىڭ سالدارىنان BMW اۆتوكولىگىنىڭ جۇرگىزىۋشىسى مەن جولاۋشىسى, سونداي-اق Chevrolet اۆتوكولىگىنىڭ ءۇش جولاۋشىسى العان دەنە جاراقاتتارىنان وقيعا ورىنىندا كوز جۇمدى. Chevrolet اۆتوكولىگىنىڭ جۇرگىزۋشىسى مەن تاعى ءبىر جولاۋشىسى ءتۇرلى دەنە جاراقاتتارىمەن اۋرۋحاناعا جاتقىزىلعان.
اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 345-بابىنىڭ 4-تارماعىنا سايكەس قىلمىستىق ءىس تىركەلدى. ءتيىستى ساراپتامالار تاعايىندالىپ, تەرگەۋ امالدارى جۇرگىزىلىپ جاتىر.