2021 جىلدان باستاپ جوعارى وقۋ ورىندارى جەكە ۇلگىدەگى ديپلومدار بەرەتىن بولادى. بۇل ءتۋرالى بىلىم جانە عىلىم ۆيتسە-ءمينيسترى ميراس داۋلەنوۆ ايتتى, - دەپ جازادى Egemen.kz
جەكە ۇلگىدەگى ديپلومدار جۇمىس بەرۋشىلەرگە مامان دايارلاۋ ساپاسىن باعالاۋعا مۇمكىندىك بەرەدى.
ديپلومداردا جوعارى وقۋ ورنى, ءبىلىم بەرۋ باعدارلاماسىنىڭ اتاۋى, ءبىتىرۋشىنىڭ دەرەكتەرى, وقىتۋ نىسانى كورسەتىلۋى ءتيىس. بەرىلگەن ديپلومعا دەربەس جاۋاپتى بولاتىن رەكتوردىڭ قولى بولۋعا ءتيىس.
ءار ديپلومدا بعم جاساعان بىرەگەي سايكەستەندىرۋ ءنومىرى بولادى.ء«بىلىم تۋرالى» زاڭىنا سايكەس ءار ديپلومدا قورعانىس بەلگىلەرى بولۋى كەرەك.
جوعارى وقۋ ورنىنىڭ وسى وقۋ ورنىندا وقىماعان, ءبىلىم بەرۋ باعدارلاماسىن اياقتاماعان ادامعا ديپلوم بەرۋى ليتسەنزيادان ايىرۋ جانە اككرەديتتەۋدى كەرى قايتارىپ الۋ ءۇشىن نەگىز بولادى.
جەكە ۇلگىدەگى ديپلومداردى قولدان جاساۋ رەسمي قۇجاتتاردى قولدان جاساۋ بولىپ سانالادى. مۇنداي ارەكەت ءۇشىن قىلمىستىق كودەكستىڭ 385-بابى بويىنشا جاۋاپكەرشىلىك كوزدەلگەن.