قازاقستاننىڭ اۆياتسيالىق اكىمشىلىگى 1 اقپاندا ساعات 15:00-دە اۋەجايلاردىڭ, اۋە كومپانيالاردىڭ جانە "قازاەروناۆيگاتسيا" رمك-نىڭ بەلسەندى قاتىسۋىمەن ازاماتتىق اۆياتسيانىڭ اۆياتسيالىق قاۋىپسىزدىك قىزمەتىنىڭ قۇرىلعانىنا 30 جىل تولۋىنا جانە قازاقستان اۆياكاسىپورىندارىنىڭ اۆياتسيالىق قاۋىپسىزدىك قىزمەتتەرىنىڭ قىزمەتكەرلەرىن ماراپاتتاۋ كۇنىنە ارنالعان بەينەكونفەرەنتسبايلانىس ارقىلى ونلاين رەجيمىندە سالتاناتتى ءىس-شارا وتكىزەدى.
يكاو ستاندارتتارىنا سايكەس ۇشۋ قاۋىپسىزدىگى دەڭگەيى بويىنشا قازاقستان تمد ەلدەرى اراسىندا 74% كورسەتكىشپەن II ورىن الادى, اۋەجايلاردىڭ قاۋىپسىزدىك دەڭگەيى 83% قۇرايدى. 2009 جىلعى اۋديتپەن سالىستىرعاندا پروگرەسس 21% — دى قۇرادى - بۇل اۆياتسيالىق قاۋىپسىزدىكتىڭ ورتاشا الەمدىك كورسەتكىشىنەن 11%-عا جوعارى (72%).
اۆياتسيالىق قاۋىپسىزدىكتى قامتاماسىز ەتۋدى ۇيىمداستىرۋدا ەلەۋلى ىلگەرىلەۋ مەن قول جەتكىزىلگەن پروگرەستى ەسكەرە وتىرىپ, قازاقستان حالىقارالىق ازاماتتىق اۆياتسيا ۇيىمى كەڭەسىنىڭ (يكاو) جوعارى ناگراداسىمەن اتاپ ءوتىلدى. ايتا كەتۋ كەرەك, مۇنداي تانۋ ءۇشىن قر يدم ازاماتتىق اۆياتسيا كوميتەتى سوڭعى جىلدارى اۆياتسيالىق قاۋىپسىزدىكتى دامىتۋ سالاسىندا اۋقىمدى جۇمىستار اتقاردى.
بۇل زاڭنامانى جاقسارتۋ جانە اۆياتسيالىق قاۋىپسىزدىك سالاسىندا يكاو ستاندارتتارى مەن ۇسىنىلاتىن پراكتيكاسىن ۋاقتىلى ەنگىزۋ. ۇكىمەتتىڭ قاۋلىسىمەن اۆياتسيالىق قاۋىپسىزدىك سالاسىنداعى يكاو-نىڭ بارلىق سوڭعى ستاندارتتارى ەنگىزىلگەن "اۆياتسيالىق قاۋىپسىزدىكتىڭ ۇلتتىق باعدارلاماسى" ازىرلەنىپ, بەكىتىلدى. 2018-2019 جىلدار ارالىعىندا قر ۇكىمەتىنىڭ 3 قاۋلىسى مەن اۆياتسيالىق قاۋىپسىزدىك جونىندەگى ءمينيستردىڭ 8 بۇيرىعىنا وزگەرىستەر ەنگىزىلىپ, قايتا قارالدى.
ازاماتتىق اۆياتسيانى زاڭسىز ارالاسۋ اكتىلەرىنەن قورعاۋدى قامتاماسىز ەتەتىن اۆياتسيالىق قاۋىپسىزدىك قىزمەتى بارلىق بولىمشەلەردىڭ ەڭ كوپ سانى بار قىزمەتى بولىپ تابىلاتىن, سانى 2 500-دەن استام ماماننان تۇراتىن ۇيىمشىل قۇرىلىمدى بىلدىرەدى.
كەڭەستە وتكەن جىلعى اۆياتسيالىق قاۋىپسىزدىك جەلىسى بويىنشا قورىتىندىلار شىعارىلادى, اۋەجايلار مەن اۋە كومپانيالاردىڭ باياندامالارى تىڭدالادى, قازاقستاننىڭ اۆياتسيالىق اكىمشىلىگىنىڭ اۆياتسيالىق قاۋىپسىزدىك دەپارتامەنتىنىڭ 2021 جىلعا ارنالعان جۇمىس جوسپارلارى ايتىلادى.
قىزمەت ناتيجەلەرى بويىنشا قازاقستان رەسپۋبليكاسىنىڭ ازاماتتىق اۆياتسيا سالاسىنداعى اۆياتسيالىق قاۋىپسىزدىك قىزمەتتەرىنىڭ ەرەكشە كوزگە تۇسكەن قىزمەتكەرلەرىن مىناداي نوميناتسيالار مەن كوتەرمەلەۋلەر بويىنشا ماراپاتتاۋ وتەدى:
- "اۆياتسيالىق قاۋىپسىزدىك قىزمەتىنىڭ قۇرمەتتى قىزمەتكەرى";
- "اۆياتسيالىق قاۋىپسىزدىك قىزمەتىنىڭ ارداگەرى";
- "جۇمىستاعى كاسىبيلىگى مەن جوعارى ناتيجەلەرى ءۇشىن";
- قازاقستاننىڭ اۆياتسيالىق اكىمشىلىگى باسشىلىعىنىڭ "العىس حاتى".
مۇنداي ءىس-شارا العاش رەت وتكىزىلىپ وتىر جانە جىل سايىن وتكىزىلەتىن بولادى.
ايتا كەتۋ كەرەك, 1991 جىلعى 1 اقپاندا الماتى قالاسىنىڭ اۋەجايىندا قازاق كسر الماتى اۆياتسيالىق جاساعى كومانديرىنىڭ بۇيرىعىمەن ەلىمىزدە العاش رەت اۆياتسيالىق قاۋىپسىزدىك قىزمەتى (اقق) قۇرىلدى. ءبىرىنشى اۆياتسيالىق قاۋىپسىزدىك قىزمەتىنىڭ قۇرىلعانىنا 30 جىل تولۋىنا وراي جانە اۆياتسيالىق قاۋىپسىزدىك جونىندەگى رەسپۋبليكالىق كەڭەسكە قاتىسۋشىلاردىڭ 2019 جىلعى 24 جەلتوقسانداعى شەشىمىنە سايكەس, اقق قىزمەتىنىڭ ماڭىزدىلىعىن كوتەرمەلەۋ جانە تانۋ ماقساتىندا "قازاقستاننىڭ اۆياتسيالىق اكىمشىلىگى" اق-نىڭ بۇيرىعىمەن ءاربىر كۇنتىزبەلىك جىلدىڭ 1 اقپانى اۆياتسيالىق قاۋىپسىزدىك قىزمەتىنىڭ ارداگەرلەرى مەن قىزمەتكەرلەرىن ماراپاتتاۋ كۇنى بولىپ بەكىتىلدى.