نۇر-سۇلتان قالاسى قىلمىستىق-اتقارۋ جۇيەسى دەپارتامەنتى ەتس-166/10 مەكەمەسىنىڭ تەكسەرۋ توبى مەكەمەگە تىيىم سالىنعان زاتتى وتكىزۋ دەرەگىنىڭ جولىن كەستى, – دەپ حابارلايدى Polisia.kz.
اتالعان مەكەمەدە جازاسىن وتەپ جاتقان سوتتالعان ازاماتتىڭ تۋىسقانى اكەلگەن سالەم-ساۋقاتتىڭ, اتاپ ايتقاندا تورتتىڭ ىشىنە جاسىرىلعان ۇيالى تەلەفون تابىلىپ, تاركىلەندى. باستاپقىدا ءبۇتىن سەكىلدى كورىنگەن كونديتەرلىك ءونىم ارنايى قۇرىلعى- مەتاللودەتەكتورمەن تەكسەرۋ بارىسىندا سىر بەردى.
تورت سىيلىق جەتكىزىلگەن سوتتالعان ازاماتتىڭ كوز الدىندا تۋرالىپ, ونىڭ ىشىنەن تىيىم سالىنعان زات – سۋ جاڭا ۇيالى تەلەفون الىندى. بۇل فاكت بويىنشا سوتتالعاندى جانە ء“تاتتى سىيلىقتى” جەتكىزگەن ازاماتتى جاۋاپكەرشىلىككە تارتۋ ءۇشىن ءتيىستى تەكسەرۋلەر جۇرگىزىلەتىن بولادى.