الماتى قالاسىنىڭ باس مەملەكەتتىك سانيتار دارىگەرى جانداربەك بەكشين جاڭا شەكتەۋلەرگە بايلانىستى دەمالىس كۇندەرى قوعامدىق كولىكتىڭ جۇرۋىنە بايلانىستى پىكىر ءبىلدىردى, دەپ حابارلايدى Egemen.kz
«بۇل جولى قوعامدىق كولىكتىڭ جۇرىسىنە قاتىستى ەشقانداي شەكتەۋ جوق. قوعامدىق كولىك دەمالىس كۇندەرى قاتىنايتىن بولادى», دەدى ول.
ەسكە سالا كەتەيىك, الماتى قالاسى «قىزىل» ايماققا ەنۋىنە بايلانىستى قالالىق سانيتاريالىق-ەپيدەميالىق باقىلاۋ دەپارتامەنتىنىڭ باسشىسى, قالانىڭ باس مەملەكەتتىك سانيتار دارىگەرى جانداربەك بەكشين جاڭا قاۋلى قابىلداعان بولاتىن.