قاراعاندى وبلىسىندا قاراقشى تۇرعىن ءۇيدىڭ كىرەبەرىسىندە زەينەتكەرگە شابۋىل جاساعان. جەرگىلىكتى پوليتسەيلەر قىلمىسكەردىڭ ءىزىن سۋىتپاي ۇستادى, دەپ حابارلايدى Egemen.kz Polisia.kz سايتىنا سىلتەمە جاساپ
25 قاڭتاردا قاراعاندى وبلىسى تەمىرتاۋ قالاسى ستارگورود پوليتسيا بولىمىنە 78 جاستاعى قالا تۇرعىنىنان شاعىم تۇسكەن. زەينەتكەر ءۇيدىڭ كىرەبەرىسىندە وعان بەلگىسىز ادام شابۋىل جاساعانىن ايتادى. قاسكۇنەم زەينەتكەردەن 15 مىڭ تەڭگە مەن قۇجاتتارى بار ءامياندى الىپ قاشقان.
جابىرلەنۋشىنىڭ ايتۋىنشا, قاراقشى 40-45 جاس ارالىعىنداعى ەر ادام بولعان. جەدەل-ىزدەستىرۋ شارالارى بارىسىندا كريمينالدىق پوليتسيا قىزمەتكەرلەرى كۇدىكتىنى ۇستادى. 43 جاستاعى ازامات كىناسىن تولىعىمەن مويىنداپ وتىر.
قر قك 191-بابى «توناۋ» بويىنشا قىلمىستىق ءىس قوزعالدى. قازىر تەرگەۋ امالدارى جۇرگىزىلۋدە.
ايدا ورالبەك