شىمكەنت قالاسىندا تۇرعىن ۇيلەردى قاجەتتى ينفراقۇرىلىممەن قامتاماسىز ەتۋ ماقساتىندا 14 نىساننىڭ قۇرىلىسى جۇرگىزىلەدى.
قالالىق قۇرىلىس باسقارماسىنىڭ باسشىسى ەربول احمەتوۆتىڭ مالىمدەۋىنشە, جىل سوڭىنا دەيىن 93 تۇرعىن ءۇي نەمەسە 5 مىڭعا جۋىق وتباسى قاجەتتى ينفراقۇرىلىم جۇيەلەرىمەن قامتىلاتىن بولادى.
ودان وزگە, قالا اۋماعىندا ءۇش اۋىسىمدى وقۋ ماسەلەسىن شەشۋ ماقساتىندا 1 920 ورىندىق 4 مەكتەپتىڭ قۇرىلىسى جۇرگىزىلىپ, تامىز ايىندا پايدالانۋعا بەرىلەدى. قوسىمشا 8 مەكتەپكە قوسىمشا 3 725 ورىندىق عيماراتتىڭ قۇرىلىسى باستالادى. ول نىسانداردى پايدالانۋعا كەلەر جىلى بەرىلمەك.
نىسانداردىڭ قۇرىلىسىن جۇرگىزۋ ەسەبىنەن بۇل جىلى قۇرىلىس جۇمىستارىنىڭ كولەمى 136,5 ملرد تەڭگەگە جەتەدى. ءوسىم 113,2 پايىزدى قۇرايدى.