شىمكەنت تسيركىندە جانۋارلارمەن ونەر كورسەتۋ توقتاتىلادى دەگەن اقپارات جالعان بولىپ شىقتى. تسيرك اكىمشىلىگىنىڭ ايتۋىنشا, اقپارات تاراتۋدا تۇسىنىسپەۋشىلىك ورىن العان, دەپ حابارلايدى Egemen.kz
بۇعان دەيىن شىمكەنت تسيركى الداعى ۋاقىتتا جانۋارلارسىز ونەر كورسەتەتىنى تۋرالى اقپارات تاراتقان ەدىك. انىقتالعانداي بۇل تەك ناۋرىز ايىنداعى قويىلىمعا عانا ايتىلعان مالىمدەمە بولىپ شىقتى. ودان كەيىنگى شوۋ باعدارلامالار قالالىق تسيرك جانۋارلارىنىڭ قاتىسۋىمەن وتە بەرەدى.
تسيرك باسشىلىعىنىڭ ايتۋىنشا, ولاردىڭ جانۋارلارمەن جۇمىس ىستەۋدەن باس تارتاتىن ويلارى جوق. مۇندا اڭدار ءۇشىن قاجەتتى جاعدايدىڭ ءبارى جاسالعان.
تسيرك اكىمشىلىگى قازىر جاڭا نومىرلەر مەن ۇلكەن شوۋ دايىندالىپ جاتقانىن دا اتاپ ءوتتى. مامانداردىڭ ايتۋىنشا, تسيركتەن تىس جەردە جانۋارلار ۇزاق ءومىر سۇرە المايدى. ويتكەنى ولار وزدەرىن جاتتىقتىرۋشى يەلەرىنە باۋىر باسىپ قالعان.
ايدا ورالبەك