بۇگىن ۇكىمەتتىڭ كەڭەيتىلگەن قۇرامداعى وتىرىسىندا پرەزيدەنت قاسىم-جومارت توقاەۆ ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى قايرات كەلىمبەتوۆكە تاپسىرما بەردى, دەپ حابارلايدى Egemen.kz
«اگەنتتىك عىلىمي نەگىزدەلگەن, جان-جاقتى پىسىقتالعان ۇسىنىستاردى جەتكىزۋى ءتيىس. «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ اياسىندا بيلىك پەن قوعام اراسىنداعى پىكىر الماسۋدىڭ تۇراقتىلىعىن قولداۋ كەرەك. سوندىقتان سىزدەن تاۋەلسىز ساراپشىلارمەن تۇراقتى ديالوگتى قامتاماسىز ەتۋدى سۇرايمىن. سونىمەن قاتار, بىزگە دۇرىس ءارى ناقتى تاجىريبەلى شەشىمدەر كەرەك», دەدى پرەزيدەنت اتالعان اگەنتتىك باسشىسىنا قاراتا ايتقان سوزىندە.
وسى ورايدا مەملەكەت باسشىسى قازىرگى كەزدە پىكىرتالاستارعا, ءتۇرلى نەگىزسىز باياندامالارعا ۋاقىت جوق ەكەنىن قاداپ ايتتى.
«بىزگە تابىستى شەشىمدەر كەرەك. ياعني ءسىز باسقارىپ وتىرعان ۆەدومستۆو جەلىسى بويىنشا تابىستى شەشىمدەر بولۋى ءتيىس», دەدى ق. توقاەۆ.