كولىكتەگى پوليتسيا قىلمىسقا «توزبەيدى»

كەڭەستە دەپارتامەنت ەلىمىزدىڭ تەمىر جول جانە اۋە كولىگى وبەك­تىلەرىندەگى جەدەل جاعدايدىڭ جاي-كۇيىنە ءتيىستى باقىلاۋدى قام­تاماسىز ەتۋ ماقساتىندا ەل پرەزيدەنتى مەن ىشكى ىستەر ءمينيسترى قويعان مىندەتتەردى ورىنداۋ بو­يىنشا ءتيىستى ءىس-شارالار قابىلداپ جاتقانى تۋرالى ايتىلدى.

«جالپى, دەپارتامەنتتىڭ قىز­مەت كورسەتۋ ۋچاسكەسىندە وتكەن جى­لى بارلىعى 1484 قىلمىستىق قۇ­قىق بۇزۋشىلىق, ونىڭ ىشىندە 742 قىلمىس جانە 742 تەرىس قىلىق تىركەلدى.

جۇرگىزىلگەن كەشەندى ۇيىم­داس­تىرۋ-پراكتيكالىق شارالاردىڭ ناتيجەسىندە قۇقىق بۇزۋشىلىقتار سانىن 30,8%-عا, ونىڭ ىشىندە اۋىرلىعى ورتاشا ساناتتاعى قىل­مىستاردىڭ 50,9%-عا جانە ونشا اۋىر ەمەس قىلمىستاردى 12%-عا تومەندەتۋگە قول جەتكىزىلدى. سون­داي-اق بوتەننىڭ مۇلكىن ۇرلاۋ قىلمىسىنىڭ سانى 50,7%-عا جانە الاياقتىق 13,8%-عا تومەندەدى. قىلمىستىڭ جالپى اشىلۋى 87%-دان استى.

دەپارتامەنتتىڭ اۋماقتىق بولىنىستەرىنىڭ كۇشىمەن 415 ەسىرتكى قىلمىسى, ونىڭ ىشىندە 29 وتكىزۋ فاكتىسى انىقتالدى. زاڭسىز اينا­لىم­نان 164 كگ ەسىرتكى زاتى تاركى­لەندى», دەدى وڭال بەكەەۆ.

دەپارتامەنت باستىعىنىڭ ايتۋىنشا, ەلباسىنىڭ ۇساق قۇقىق بۇزۋشىلىقتارعا, تارتىپسىزدىكتەرگە «مۇلدەم توزبەۋشىلىك» قاعيداتىن ىسكە اسىرۋ ماقساتىندا وتكەن جىلى اۋقىمدى پروفيلاكتيكالىق جۇ­مىستار جۇرگىزىلدى. سونىڭ ناتي­جەسىندە ءتۇرلى قۇقىق بۇزۋشىلىقتار ءۇشىن 43569 ازامات اكىمشىلىك جا­ۋاپكەرشىلىككە تارتىلدى. سونداي-اق كوشى-قون زاڭناماسىن بۇزعانى ءۇشىن 465 شەتەلدىك اكىمشىلىك جا­ۋاپكەرشىلىككە تارتىلدى.

كەڭەس بارىسىندا ەل پرەزيدەنتى ق.توقاەۆتىڭ جولداۋىنداعى با­سىم­دىقتاردى جۇزەگە اسىرۋعا باسا نازار اۋدارىلدى. بۇدان سوڭ بىرقاتار جەلىلىك ءبو­لى­نىس باس­شى­لارىنىڭ ەسەپتەرى تىڭ­دالدى.

سونىمەن قاتار, باسقوسۋدا كادر ساياساتىن جەتىلدىرۋ, قىزمەتتىك-جاۋىن­گەرلىك دايارلىقتى نىعايتۋ, ءتارتىپ پەن زاڭدىلىق, جەكە قۇرام ارا­سىندا سىبايلاس جەمقورلىق قۇ­قىق بۇزۋشىلىقتاردىڭ الدىن الۋ ماسەلەلەرى دە كەڭىنەن تالقىلاندى.

جەدەل كەڭەس سوڭىندا كو­لىك پوليتسياسىنىڭ ۇزدىك قىز­مەت­كەرلەرى ماراپاتتالدى.