ۇيلەسىمدى قادامدار جاساۋ ماقساتىندا

19 ساۋىردە ەقىۇ-نىڭ ءىس باسىنداعى توراعاسى, مەملەكەتتىك حاتشى – سىرتقى ىستەر ءمينيسترى قانات ساۋداباەۆ ءوزىنىڭ ارىپتەستەرى: رەسەيلىك – سەرگەي لاۆروۆپەن, قىتايلىق – يان تسزەچيمەن جانە يسپانيالىق – ميگەل انحەل موراتينوسپەن تەلەفون ارقىلى كەلىسسوزدەر وتكىزدى, دەپ حابارلادى ءسىم-ءنىڭ ءباسپاسوز قىزمەتى. ق.ساۋداباەۆ پەن س.لاۆروۆ قازاقستان­نىڭ, رەسەيدىڭ جانە اقش-تىڭ پرەزي­دەنتتەرى ن.نا­زارباەۆتىڭ, د.مەدۆەدەۆ پەن ب.وبامانىڭ بىرلەسكەن كۇش-جىگەرى ناتيجەسىندە, ءارى ەقىۇ, بۇۇ جانە ەۋرو­وداقتىڭ ارااعايىندىعى ارقا­سىندا ق.باكيەۆتىڭ قىرعىز­ستان اۋما­عىن تاستاپ شىعۋى  قامتاماسىز ەتىلىپ, مۇنىڭ ءوزى قو­­عام­نىڭ جىكتەلۋىنە جانە قىرعىزستان­دا­عى ازامات سوعى­سىنىڭ ىقتيمال­دىعىنا جول بەرىلمەدى, دەدى. ءاڭ­گىمەلەسۋشىلەر بۇل ەل­دەگى احۋال­دى جەدەل جانە تو­لىق تۇراقتان­دى­رۋ­دىڭ, قۇقىق ءتارتىبىن قال­پىنا كەلتىرۋدىڭ ماڭىزدىلىعىن جانە ەل حالقىنىڭ ءومىرىن قامتاماسىز ەتۋدىڭ وزەكتى ماسەلەلەرىن شە­شۋ قاجەتتىلىگىن اتاپ ءوتتى. يان تسزەچيمەن اڭگىمە بارى­سىندا تاراپتار كورشىلەس قىر­عىزستاندا قالىپ­تاسقان جاع­دايعا الاڭداۋشىلىق ءبىلدى­رىپ, احۋالدى قالپىنا كەل­تى­رۋ­دە بۇل ەلدىڭ حالقىنا جانە ۋا­قىتشا ۇكىمەتىنە قولداۋ ءبىل­دى­رۋدىڭ ماڭىزدىلىعىن اتاپ كور­سەتتى. قازاقستان مەن قى­تاي جاعىنان قىرعىز­ستانعا كومەك جولداۋدىڭ باسىمدىعى اتاپ ءوتىلدى. اڭگىمەلەسۋشىلەر قىرعىزستانداعى احۋالدى رەت­تەۋگە شانحاي ىنتىماقتاستىق ۇيىمىنىڭ رەسۋرستارىن تارتۋ جانە  بۇل ماسەلەنى ۇيىمنىڭ الدا بولاتىن شارا­لا­رىندا تال­قىلاۋ  مۇمكىندىگىن قاراستىردى. م.موراتينوس نۇرسۇلتان نازارباەۆ­تىڭ ەقىۇ-عا ءتور­اعا­لىق ەتۋشى مەم­لە­كەتتىڭ باس­شىسى رەتىندە قىرعىز­ستان­داعى جاعدايدى تۇراقتان­دى­رۋعا قوسقان ۇلەسىنە ەۋرو­وداق اتىنان جوعارى باعا بەر­دى جانە قىرعىزستاندى ساياسي داعدارىستان شىعارۋ جونىندە  ەۋرووداقتىڭ ەقىۇ-مەن ىنتى­ماقتاستىقتى ۇلعايتۋعا ءازىر ەكەندىگىن  ءبىلدىردى. ەقىۇ-نىڭ ءىس باسىنداعى توراعاسى رەتىندە ق.ساۋداباەۆ ءوز سۇحباتتاستارىن پرەزيدەنت نۇرسۇلتان نازارباەۆتىڭ تاپ­سىرماسىمەن جاعدايعا جەر­گى­لىكتى ورىندا باعا بەرۋ جانە قىرعىزستاننىڭ ۋاقىتشا ۇكى­مەتى باسشىلىعىمەن, قوعام­دىق-ساياسي توپتاردىڭ جانە ازا­ماتتىق قوعامنىڭ وكىلدەرىمەن ەلدەگى الەۋمەتتىك-ەكونومي­كالىق جانە ساياسي ءومىردى قالپىنا كەلتىرۋ جول­دارىن تالقىلاۋ ءۇشىن 20 ساۋىردە ءوزى­نىڭ بىشكەككە باراتىنى تۋرالى حاباردار ەتتى.