جۋىردا «قازاقستان تەمىر جولى» ۇك» اق ۆولونتەر جىلىنىڭ قورىتىندىسىن شىعاردى. اتالعان جىل اياسىندا 4 830 قايىرىمدىلىق ءىس جاسالعان. بۇعان دەيىن «قازاقستان تەمىر جولىندا» ۆولونتەر جىلىن قولداۋ بويىنشا HR-كومانداسى «2020 قايىرىمدى ءىس» باعدارلاماسىن قۇرعان بولاتىن. جىل سوڭىنا دەيىن 2020 قايىرىمدى ءىس ىستەۋ ماقساتى قويىلىپ, جارتى جىلدا جۇزەگە اسىرىلدى.
تەمىرجولشىلار 1500-دەن استام از قامتىلعان جانە كوپ بالالى وتباسىنا جاردەمدەستى. قايىرىمدىلىق اكتسياسى 350 زەينەتكەر مەن 300-گە تارتا بالانى قامتىدى. ۇلى وتان سوعىسىنىڭ 1900 قاتىسۋشىسىنا كومەك كورسەتىلدى. قتج ەرىكتىلەر قوزعالىسىنىڭ ەنتۋزياستارى سوعىس ارداگەرلەرى مەن تىل ەڭبەككەرلەرىنە كومەك كورسەتۋ بويىنشا «جەڭىس» رەسپۋبليكالىق الەۋمەتتىك-قايىرىمدىلىق جوباسىنا بەلسەنە قاتىستى. جوبا شەڭبەرىندە 500-دەن استام ەرىكتى ەلىمىزدىڭ 35 قالاسى مەن اۋدانىندا 1 900-گە تارتا رەيد جۇرگىزدى.
ء«بىز اۋقىمدى جۇمىس اتقاردىق. سوعىس ارداگەرلەرى مەن تىل ەڭبەككەرلەرىنىڭ شارۋاشىلىعىنا كومەكتەستىك, ازىق-ت ۇلىك پەن ءدارى-دارمەك, تۇرمىستىق تەحنيكا ساتىپ الىپ بەردىك. بۇل ەرىكتىلىك رۋحىمىزدى كوتەرە ءتۇستى. كومپانيامىزدىڭ اتالعان جوباعا قاتىسقانىنا جانە بەلسەندىلەردىڭ جاستارعا ۇلگى كورسەتكەنىن ەرەكشە ماقتان تۇتامىن», دەيدى باتىس قازاقستان وبلىسى بويىنشا 160 ۆولونتەرلىك رەيد جۇرگىزگەن جيلاەۆو ستانساسىنىڭ ينجەنەر-تەحنولوگى ەرلان قۇجىموۆ.
جالپى, 400-دەن استام ۆولونتەر COVID-19-بەن كۇرەسكە باعىتتالدى. تەمىرجولشىلار مەديتسينالىق ماسكالار تىگىپ, تۇرعىندارعا تاراتتى, زارارسىزداندىرۋ قۇرالدارىمەن قوعامدىق ورىنداردى تازارتتى, اۋرۋحانالار مەن مەدپەرسونالعا قولداۋ كورسەتتى. سونىمەن قاتار 1000 كاماز قار شىعارىلىپ, كوشەتتەر وتىرعىزىلىپ, 1 توننادان استام ماكۋلاتۋرا قايتا وڭدەۋگە جىبەرىلدى.
تەمىرجولشىلار قولداۋعا ءزارۋ جاندارعا ۇنەمى قولۇشىن سوزىپ كەلەدى. ۆولونتەر جىلى قايىرىمدىلىق ىستەرگە جاڭا سەرپىن دارىتىپ, كورپوراتيۆتىك رۋحتى نىعايتۋعا مۇمكىندىك بەردى. قايىرىمدىلىق چەللەندجىن كومپانيانىڭ بارلىق قۇرىلىمدىق بولىمشەلەرى لەزدە قاعىپ الدى. ءارتۇرلى الەۋمەتتىك جوبالارعا قاتىسۋعا نيەت بىلدىرگەن بەلسەندىلەر كوبەيە ءتۇستى.