مەملەكەت باسشىسى قاسىم-جومارت توقاەۆ پارلامەنتتىڭ VII شاقىرىلىمى ءبىرىنشى سەسسياسىنىڭ اشىلۋىندا قازاقستاندا ساياسي رەفورمالاردى جۇرگىزۋگە نيەتتى ەكەنىن جەتكىزدى.
ەل پرەزيدەنتىنىڭ باستامالارى ونىڭ ءبىر جارىم جىلدان استام ۋاقىتتان بەرى جۇرگىزىپ كەلە جاتقان ساياسي رەفورمالارىنىڭ قيسىنىنا سايكەس كەلەدى. وسىلايشا, مەملەكەت باسشىسى ساياسي رەفورمالاردىڭ ءۇشىنشى پاكەتىن جاريالادى. بۇعان دەيىن پرەزيدەنتتىڭ قازاقستان حالقىنا جولداۋىنىڭ اياسىندا كوپتەگەن باستاما كوتەرىلگەن بولاتىن. بۇل باستامالاردىڭ باسىم بولىگى ناقتى زاڭ تۇرىندە جۇزەگە اسىرىلدى. ماسەلەن, ساياسي پارتيالار, سايلاۋ, بەيبىت شەرۋلەر تۋرالى بىرقاتار زاڭ قابىلداندى.
جاڭا باستامالار بۇعان دەيىن قوعامدا دا تالقىلانعان. مىسالى, ساياسي پارتيالاردىڭ پارلامەنتكە ءوتۋ شەگىن 7-دەن 5 پايىزعا تومەندەتۋ ۇسىنىلعان بولاتىن. مۇنداي قادام باسقا ەلدەردىڭ تاجىريبەسىندە بار. بۇل باستاما ساياسي پارتيالاردىڭ پارلامەنتكە وتۋىنە جانە سول ارقىلى ءوز سايلاۋشىلارىنىڭ مۇددەلەرىن قورعاۋىنا مۇمكىندىك بەرەدى. ءبىر قاراعاندا 5 پايىز كوپ ەمەس بولىپ كورىنۋى مۇمكىن. الايدا سايلاۋ ناۋقانى كەزىندە داۋىس بەرگەن ناقتى ادامداردىڭ سانىن ەسكەرەتىن بولساق, اڭگىمە ءجۇز مىڭداعان ازامات تۋرالى ەكەنىن اڭعارامىز.
بۇل – دۇرىس باعىت. پرەزيدەنت اتاپ وتكەندەي, پارلامەنتتەگى ساياسي پارتيالاردىڭ سانى كوپ بولۋى پىكىرلەر پليۋراليزمىنە جانە سول ارقىلى نەعۇرلىم دۇرىس شەشىم قابىلداۋعا وڭ ىقپال ەتەدى.
سايلاۋ بيۋللەتەنىنە «بəرىنە قارسىمىن» دەگەن جازۋدى ەنگىزۋ تۋرالى ۇسىنىس تا ماڭىزدى. ويتكەنى VII ەلىمىزدەگى سايلاۋ ناۋقانى كەزىندە الەۋمەتتىك جەلىلەردە كوپتەگەن ادام بارلىق پارتياعا قارسى داۋىس بەرگەنىن بىلدىرگەنىن بايقادىق. سوندىقتان, بۇل قادام قوعامدىق پىكىردى ەسكەرۋ تۇرعىسىنان دا دۇرىس بولاتىن سياقتى. وسىلايشا, بيلىك تە, ساياسي ۇيىمدار دا قانشا ازاماتتىڭ پارتيالاردىڭ ەشقايسىسىن قولدامايتىنىن ناقتى بىلە الار ەدى. بۇل قوعامدىق پىكىردىڭ بارىنشا ايقىن كورىنىسى بولار ەدى.
راسۋل جۇمالى,
ساياساتتانۋشى