رەسەيدىڭ ياروسلاۆل قالاسىندا فريستايل-اكروباتيكادان الەم كۋبوگى كەزەڭىندە ارالاس كوماندالىق سايىس بويىنشا باسەكەلەر اياقتالدى. جارىس قورىتىندىسى بويىنشا قازاقستان 7-ورىنعا تابان تىرەدى, دەپ حابارلادى ۇوك ءباسپاسوز قىزمەتى.
ارالاس كوماندالىق باسەكەگە قازاقستان قۇراماسىنان جانبوتا الدابەرگەنوۆا, اقمارجان قالمىرزاەۆا جانە شەرزود حاشيرباەۆ قاتىستى. جارىس بارىسىندا وتانداستارىمىز جالپى سانى 239.40 ۇپاي جيناپ, باسەكەنى جەتىنشى ورىنمەن اياقتادى.
الەم كۋبوگىنىڭ قورىتىندىسى بويىنشا رەسەي قۇراماسىنىڭ ەكى كومانداسى ءبىرىنشى جانە ەكىنشى ورىنعا يە بولدى. ال شۆەيتساريا كومانداسى ۇزدىك ۇشتىكتى قورىتىندىلادى.