گەرمانيانىڭ وبەرحوف قالاسىندا ءوتىپ جاتقان بياتلوننان الەم كۋبوگىنىڭ التىنشى كەزەڭىنىڭ كەزەكتى جارىس كۇنى قىزدار اراسىنداعى ەستافەتامەن اياقتالدى.
وكىنىشكە قاراي, قازاقستان سپورتشىلارى جارىستى باستاعانىمەن مارەگە جەتە المادى. ويتكەنى كوشباسشى قۇرامالاردىڭ ۋاقىت كورسەتكىشىنەن الدەقايدا ارتتا قالىپ قويعان بولاتىن. قازاقستانمەن قاتار جاپونيا, وڭتۇستىك كورەيا جانە سلوۆەنيا قۇرامالارى دا جارىستى اياقتاعان جوق. ەستافەتادا قازاقستان اتىنان ەليزاۆەتا بەلچەنكو, ليۋدميلا احاتوۆا جانە اناستاسيا كوندراتەۆا قاتىستى. ال گالينا ۆيشنەۆسكايا كوماندانىڭ ايىپ ۋاقىتى كوپ بولعاندىقتان, جارىس جولىنا شىققان جوق.
قىزدار اراسىنداعى ەستافەتادا گەرمانيا سپورتشىلارى توپ جاردى. ەكىنشى ورىنعا بەلارۋس قۇراماسى جايعاسسا, ۇزدىك ۇشتىكتى شۆەتسيالىقتار تۇيىندەدى.