ەلىمىزدەگى مەكتەپ اسحانالارىنا جۇمىس ىستەۋگە رۇقسات بەرىلمەك. بۇل تۋرالى قر دەنساۋلىق ساقتاۋ ۆيتسە-ءمينيسترى, باس مەملەكەتتىك سانيتارلىق دارىگەر ەرلان قياسوۆ وكق بريفينگىندە مالىمدەدى, دەپ حابارلايدى Egemen.kz
«مەكتەپ اسحانالارىن اشۋ ماسەلەسى قاراستىرىلىپ جاتىر. اتالعان ماسەلە بويىنشا بالالاردىڭ قاۋىپسىزدىگىن بارىنشا قامتاماسىز ەتۋ جانە كوروناۆيرۋستىق ينفەكتسيانى جۇقتىرۋ قاۋپىن ازايتۋ ءۇشىن مەكتەپ اسحانالارىن اشۋ جوسپارى ەگجەي-تەگجەيلى سيپاتتالادى», دەدى قياسوۆ.
ونىڭ ايتۋىنشا, قازىرگى ۋاقىتتا سانيتارلىق-ەپيدەميولوگيالىق احۋالى تۇراقتى ايماقتاردا مەكتەپ اسحانالارىن اشۋ تۋرالى ۇسىنىس بار.
ايتولقىن مىرزاكاريم