كورونوۆيرۋستىق پاندەميا سالدارىنان قايتىس بولعان ادامدار سانى ەكىنشى دۇنيەجۇزىلىك سوعىس جىلدارىنان بەرى ەسەپتەگەندە ادام ءولىمىنىڭ ەڭ جوعارعى دەڭگەيىنە جەتتى, دەپ حابارلايدى Egemen.kz ۆۆس NEWS اگەنتتىگىنە سىلتەمە جاساپ.
ۇلىبريتانيادا 2020 جىلى شامامەن 697000 ءولىم جاعدايى تىركەلدى. بۇل سوڭعى بەس جىلدا ورتا ەسەپپەن 85000 ادامعا كوپ. ياعني سالىستىرمالى تۇردە, ءولىم سانى 14%-عا وسكەنىن كورسەتەدى, بۇل 75 جىل ىشىندەگى ءولىم-ءجىتىمنىڭ ەڭ ۇلكەن ءوسىمى.
حالىقتىڭ جاسى مەن سانى ءوسۋى ەسكەرىلگەندە, 2020 جىلى 2000 جىلداردان بەرى حالىق ءولىمى ەڭ جوعارى دەڭگەيگە جەتىپ وتىر.
اتالعان دەرەكتەردە تەك قاراشا ايىنا دەيىن بولعان جاعدايلار قاراستىرىلدى. دەمەك جەلتوقسانداعى ءولىم سانى ەسكەرىلمەگەن. دەگەنمەن بۇل دەرەكتەر وسى جاعدايداعى ءولىم دەڭگەيى انگليادا 2008 جىلدان بەرى ەڭ جوعارى كورسەتكىش ەكەنىن اڭعارتادى.
ايتولقىن مىرزاكاريم