قاراعاندىداعى ۇيىمداسقان قىلمىستىق توپ مەملەكەتكە 537 ميلليون تەڭگە شىعىن كەلتىردى, دەپ حابارلايدى Egemen.kz.
قازاقستان رەسپۋبليكاسى قارجى مينيسترلىگى قارجى مونيتورينگى كوميتەتىنىڭ قاراعاندى وبلىسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى جەدەل-ىزدەستىرۋ ءىس-شارالارىنىڭ ناتيجەسىندە 2017-2020 جىلدار ارالىعىندا ارەكەت ەتكەن ۇيىمداسقان قىلمىستىق توپتى اشكەرەلەدى. بۇل ۇيىم قاراعاندى اۋماعىندا تاۋار جەتكىزبەستەن جالعان شوت-فاكتۋرالار بەرۋ ارقىلى زاڭسىز ءىس-ارەكەتتەرمەن اينالىسقان.
7 ادامنان تۇراتىن قىلمىستىق توپ, باقىلاناتىن كاسىپورىندار باسشىسى بولىپ تىركەلگەن سىبايلاستارىمەن بىرگە تىركەۋ ورىندارى ءۇشىن ۇيلەر ىزدەپ, جالعا العان, سونىمەن قوسا ەكىنشى دەڭگەيدەگى بانكتەردەن اقشانى قولما-قول ەتىپ ايىرباستاپ وتىرعان.
توپتىڭ قىلمىستىق ارەكەتتەرى ناتيجەسىندە مەملەكەتكە كەلتىرىلگەن زالالدىڭ مولشەرى 537 ميلليون تەڭگەنى قۇرادى.
كوميتەت 2020 جىلدىڭ 27 جەلتوقسانىندا قىلمىستىق ءىس وندىرىسپەن اياقتالعانىن, سونىڭ ناتيجەسىندە بەكىتىلگەن ايىپتاۋ قورىتىندىسىمەن سوتقا جىبەرىلگەنىن قوستى.
ايدا ورالبەك