قازاقستان رەسپۋبليكاسى قارجى ءمينيسترىنىڭ بۇيرىعىمەن وڭىرلىك مەملەكەتتىك كىرىستەر دەپارتامەنتىن جانىبەك نۇرجانوۆ باسقاراتىن بولادى, دەپ حابارلايدى Egemen.kz پاۆلودار وبلىسى اكىمىنىڭ ءباسپاسوز قىزمەتىنە سىلتەمە جاساپ.
جاڭا باسشىنى وبلىس اكىمدىگىندە وتكەن اپپاراتتىق كەڭەستە ءوڭىر باسشىسى ابىلقايىر سقاقوۆ تانىستىردى. ول جانىبەك نۇرجانوۆتىڭ جۇمىس تاجىريبەسىن اتاپ ءوتىپ, جۇمىسىنا تابىس تىلەدى. جانىبەك نۇرجانوۆ 1972 جىلى وسكەمەن قالاسىندا دۇنيەگە كەلگەن. 1997 جىلى شىعىس قازاقستان مەملەكەتتىك ۋنيۆەرسيتەتىن «ەكونوميست-ماركەتولوگ» ماماندىعى بويىنشا بىتىرگەن. ەڭبەك جولىن 1997 جىلى وسكەمەن قالاسى بويىنشا سالىق قىزمەتىنىڭ ينسپەكتورى بولىپ باستادى, سونداي-اق شقو بويىنشا سالىق كوميتەتىندە جۇمىس ىستەدى. 2000 جىلداردىڭ باسىندا مەملەكەتتىك كىرىس مينيسترلىگىندە ەڭبەك ەتتى. 2003 جىلى نۇرجانوۆ قازاقستان رەسپۋبليكاسى قارجى مينيسترلىگىنىڭ سالىق كوميتەتى باسقارماسى باستىعىنىڭ ورىنباسارى بولىپ تاعايىندالدى. 2004-2012 جىلدارى استانا قالاسىنىڭ الماتى اۋدانى بويىنشا سالىق كوميتەتى باسشىسىنىڭ ورىنباسارى, اقتوبە بويىنشا سالىق كوميتەتىنىڭ باستىعى, قوستاناي بويىنشا سالىق باسقارماسىنىڭ باستىعى, اتىراۋ وبلىسى بويىنشا سالىق دەپارتامەنتى باستىعىنىڭ ورىنباسارى لاۋازىمدارىن اتقاردى. 2012 جىلدان 2014 جىلعا دەيىن اتىراۋ بويىنشا سالىق باسقارماسىن باسقاردى. 2014-2019 جىلدارى اتىراۋ وبلىسى بويىنشا مەملەكەتتىك كىرىستەر دەپارتامەنتى باسشىسىنىڭ ورىنباسارى بولدى. 2019 جىلدان قازىرگى ۋاقىتقا دەيىن قارجى مينيسترلىگىنىڭ مەملەكەتتىك كىرىستەر كوميتەتىندە دەپارتامەنتتەردى باسقاردى.