قازاقستان پراۆوسلاۆ شىركەۋىنىڭ باسشىسى استانا جانە قازاقستان ءميتروپوليتى الەكساندر قازاقستاننىڭ تۇڭعىش پرەزيدەنتى نۇرسۇلتان نازارباەۆتى «العىس» وردەنىمەن ماراپاتتاپ, دىنارالىق بەيبىتشىلىك پەن ۇلتارالىق كەلىسىمنىڭ نىعايۋىنا ۇلەس قوسقانى ءۇشىن العىسىن ءبىلدىردى, دەپ حابارلايدى Egemen.kz Eلباسىنىڭ ءباسپاسوز قىزمەتىنە سىلتەمە جاساپ.
ء«سىز ەلدىڭ گۇلدەنۋى ءۇشىن كوپ ەڭبەك ەتتىڭىز. باستىسى – دىنارالىق بەيبىتشىلىك پەن ۇلتارالىق كەلىسىم. بۇل – ادامدار ىڭعايلى, جايلى, بەرەكەلى جانە جاقسى ءومىر ءسۇرۋ ءۇشىن مەملەكەتتىڭ دامۋىنا مۇمكىندىك بەرەتىن تىرەك. سىزگە كوپتەگەن ادامنىڭ اتىنان العىس ايتامىن. ءسىز ءوز جۇرەگىڭىزدى, بار كۇشىڭىزدى تۋعان جەرگە قىزمەت ەتۋگە ارنادىڭىز», دەدى استانا جانە قازاقستان ءميتروپوليتى.
نۇرسۇلتان نازارباەۆ ميتروپوليت الەكساندرعا دىنارالىق جانە ەتنوسارالىق بەيبىتشىلىك پەن كەلىسىمدى ساقتاۋ ىسىندەگى قىزمەتىنە جوعارى باعا بەرگەنى ءۇشىن العىس ايتتى.
«تاۋەلسىزدىك العان كۇننەن باستاپ ءبىز بارلىق ەتنوس اراسىندا ءدىني كونفەسسيالاردىڭ تولەرانتتىلىعىن, دوستىعى مەن سەنىمىن نىعايتۋدى ءوز ساياساتىمىز دەپ جاريالادىق. تۇراقتىلىق پەن دامۋ ناق وسى بىرلىك پەن دوستىقتا جاتىر», دەدى قازاقستاننىڭ تۇڭعىش پرەزيدەنتى.