ADAL پارتياسىنان دەپۋتاتتىققا ۇمىتكەر اقمارال بەكمۇرزاەۆا ۇكىمەتتىك ەمەس ۇيىمدار (ۇەۇ) جەتەكشىلەرىمەن جانە مۇمكىندىگى شەكتەۋلى بالالاردىڭ اتا-انالارىمەن ونلاين-كەزدەسۋ وتكىزدى.
كەزدەسۋ بارىسىندا مۇمكىندىگى شەكتەۋلى بالالاردى الەۋمەتتىك قورعاۋ شارتتارى مەن مەديتسينالىق كومەكتىڭ ساپاسى تالقىلاندى. وسى ماسەلەلەر تۇرعىسىنان نورماتيۆتىك-قۇقىقتىق بازانى جەتىلدىرۋ بويىنشا ۇسىنىستار دا قارالدى. ۇەۇ وكىلدەرى مەن اتا-انالار بالالاردى وڭالتۋ ماسەلەسىنە قاتىستى شاعىمداندى.
«ايماقتىق ميسسيالار كەزىندە پارتياعا وسى پروبلەما تۋرالى كوپتەگەن حابارلاما كەلىپ ءتۇستى. بىرقاتار ايماقتاردا وڭالتۋ ورتالىقتارى جوق, سوندىقتان بالالار ومىرلىك ماڭىزدى وڭالتۋ كومەگىن المايدى», دەدى اقمارال بەكمىرزاەۆا.
كەزدەسۋگە قاتىسۋشىلار ماسەلەنىڭ وزەكتىلىگىن راستادى. سونداي-اق ولار ءدارى-دارمەكتەردىڭ جەتىسپەۋىن, مەديتسينالىق قىزمەت كورسەتۋ پروبلەمالارى مەن ەرەكشە قاجەتتىلىكتەرى بار بالالارعا دەنە شىنىقتىرۋ ورتالىقتارىنىڭ جوقتىعىن اتاپ ءوتتى. تاعى ءبىر ماڭىزدى ماسەلە – انالارعا ارنالعان پسيحولوگيالىق كومەك جوق.
«مۇمكىندىگى شەكتەۋلى بالانى بوسانعان اناعا پەرزەنتحانادا پسيحولوگيالىق كومەك كورسەتىلۋى كەرەك. پسيحولوگ ايەلدى قولداۋى, ونى ەرەكشە قاجەتتىلىگى بار بالا تاربيەلەۋگە دايىنداۋى كەرەك», دەپ اتاپ ءوتتى ا.بەكمىرزاەۆا.
جيىنعا قاتىسۋشىلار دا ءوز پىكىرلەرىن ءبىلدىردى. ولاردىڭ ايتۋىنشا, ەشكىمنەن تەگىن ەشتەڭە سۇراپ وتىرعان جوق. ايتسە دە, ولار مەملەكەت تاراپىنان كورسەتىلەتىن كومەك ۋاقتىلى جانە شىنايى, ساپالى بولعانىن قالايدى.
اقمارال بەكمۇرزاەۆا ADAL پارتياسى بۇل ماسەلەلەردى قاراۋسىز قالدىرمايتىنىن جانە سيپاتتالعان پروبلەمالاردىڭ ناقتى شەشىمدەرىن تاباتىنىن جەتكىزدى.
«وسىنداي كەزدەسۋلەردىڭ ارقاسىندا ءبىز باعدارلامامىزدىڭ ماقساتتارىن تولىقتىرۋعا جانە ناقتىلاۋعا مۇمكىندىك الامىز. ءتىپتى وبلىس ورتالىقتارىندا دا جاعداي ناشار دەپ ايتۋعا بولادى. ال اۋداندارداعى جاعداي قانداي؟ پروبلەمالار وتە كوپ, الدىمىزدا ۇلكەن جۇمىس تۇر», دەدى ول.
بۇدان بولەك, ADAL پارتياسىنىڭ وكىلدەرى الماتىدا قالانىڭ جاس كاسىپكەرلەرىمەن جانە ستارتاپتارىمەن كەزدەسۋ وتكىزدى. ءىس-شاراعا ءماجىلىس دەپۋتاتتىعىنا كانديداتتار ولجاس ورداباەۆ, الينا اسقاروۆا جانە نۇرلىبەك مالەلوۆ قاتىستى.
پارتيا ۇمىتكەرلەرىنىڭ ايماقتار تۇرعىندارىمەن كەزدەسۋلەرى جالعاسىپ جاتىر. الماسبەك سادىرباەۆ الماتى وبلىسىنىڭ ءۇشارال قالاسىنىڭ تۇرعىندارىمەن كەزدەستى. تاراپتار سۋبسيديالار مەن شارۋا قوجالىقتارىن نەسيەلەندىرۋ ماسەلەلەرىن تالقىلادى. پارتيا وكىلىنە وبلىستىڭ كەيبىر پروبلەمالارى, اتاپ ايتقاندا, اگرارلىق سەكتورعا جەردىڭ جەتىسپەۋشىلىگى تۋرالى ايتىلدى. ءوز كەزەگىندە الماسبەك سادىرباەۆ فەرمەرلەرگە پارتيا بۇل ماسەلەلەردى قالاي شەشۋدى جوسپارلاپ وتىرعانىن ايتتى.