الماتىنىڭ باس سانيتار دارىگەرى جانداربەك بەكشين ينفەكتسيادان كەيىن اعزاسىندا انتيدەنە تابىلماسا, قازاقستاندا تىركەلگەن ۆاكتسينانى سالدىراتىنىن ايتتى, دەپ حابارلايدى Egemen.kz.
ايتۋىنشا, ول ۆاكتسينا سالدىرۋدان ءبىر اپتا بۇرىن انتيدەنەلەردىڭ بار-جوعىن انىقتايدى.
«ەگەر انتيدەنە ساقتالسا, ۆاكتسينا سالدىرۋدىڭ قاجەتى جوق. ەگەر جوق بولسا, قولجەتىمدى ۆاكتسينانى سالدىرامىن. بۇل نە رەسەيلىك, نە وتاندىق بولادى», دەدى بەكشين.
ايتۋىنشا, قازىر تاراز بەن الماتىدا وتاندىق ۆاكتسينانىڭ كلينيكالىق سىناعىنىڭ ءۇشىنشى كەزەڭى ءجۇرىپ جاتىر.
«3 مىڭ ەرىكتىگە ۆاكتسينا ەگىلەدى, سودان كەيىن سول ۆاكتسينانى ەگەمىز بە, جوق پا, ناقتى شەشىلەدى. ال قازىرگە دەيىن ۆاكتسينانىڭ قاۋىپسىزدىگىن تەكسەرۋ سىناعىنىڭ كەزەڭدەرى ءساتتى ءوتتى. الدىن الا اقپارات بويىنشا ءبىزدىڭ ۆاكتسينا 96% تيىمدىلىكتى كورسەتتى. بۇل وتە جاقسى كورسەتكىش», دەدى بەكشين.
ايتا كەتەيىكع قاراعاندىدا رەسەيلىك ۆاكتسينا شىعاراتىن زاۋىت اشىلعانىن اتاپ ءوتتى. ودان كەيىن ونى دۇنيەجۇزىلىك دەنساۋلىق ساقتاۋ ۇيىمى تىركەۋى قاجەت. سول كەزدە عانا ەل ىشىندە ۆاكتسينا سالدىرۋ باستالادى.
شىلدەنىڭ باسىندا جانداربەك بەكشين كوروناۆيرۋس ينفەكتسياسىن جۇقتىرعان ەدى. سول ساتتە دە قالانىڭ باس سانيتار دارىگەرى قاشىقتان جۇمىس ىستەدى.